Победа футболерох Гайдука и нова поразка гандбалерох Црвенки

Минилий спортски викенд визначела победа футболерох Гайдука и нова поразка гандбалерох Црвенки.

У остатнїм 19. колу подзимней часци чемпионату у Сербскей лиги, ґрупа Войводина, футболїсти Гайдука порадовали своїх прихильнїкох, бо на гостованю у Перлезу перемогли Войводину з 4:0. Домачих у першим полочасу „откварил“ найлєпши стрелець Гайдука Фуртула, а у другим полочасу по голох Костича, Зорана и Слободана Вуковича Гайдук здобул убедлїву и цинну победу. Цинну, бо з трома здобутима бодами у Перлезу Куляни зробели важни крок ку середзку табли. Футболїсти Гайдука закончили подзиму на штирнадцетим месце на табли з 25 здобутима бодами.

Футболїсти з Црвенки у остатнїм колу подзимней часци чемпионату у Войводинскей лиги, ґрупа север, дома програли Войводини з Бачкого Градишта з 5:0. Гостї ведуча дружина на табли и своєю грою у Црвенки оправдали роль фаворита. Треба спомнуц и факт, же Црвенчани мали у протоколу лєм одинадцец храчох, а з лавки их нє водзил тренер Милан Вуякович зоз здравствених причинох; кед ше вше то узме до уваги, разом з неспорним квалитетом гостёх, програш була неизбежна. Црвенка закончела подзиму чемпионату у Войводинскей лиги, ґрупа север, на шеснацетим месце на табли з 15 здобутима бодами, а у ярейшей часци чемпионату чека ю тяжка борба за опстанок.

Гандбалери Црвенки уписали и девяту поразу у првенстве АРКУС Суперлиги Србиї. Веверици гостовали у Суботици, дзе их домаци Спартак победзел з 21:20. Црвенка и у Суботици виступела ослабена, без капетана Радонича, бека Митровича, голмана Павичевича, брацох Чабрило, алє наприкос тому була рівноправним соперником, у першому полочасу и лєпшим ривалом, з голом предносци: результат бул 10:9 за Црвенку, та тиме одошли на одпочинок. У другей часци ше грало гол за голом, и у тей игре нервох спретнєйши були домаци, котри так уписали другу првенствену победу, а Црвенка девяту поразу. У насампредшим колу гандбалери Црвенки дочекаю тим Динамо з Панчева.

З остальных шпортових дружинох з кулского општинского окруженя минули викенд були активни баскетболїсти Гайдука, котри у дерби 9. кола чемпионату у Перщей сербскей лиги дома витали дружину Срема з Сремскей Митровици, котра у дотерашей часци сезони мала вше победи. Видзена була одлична баскетболова представа — права шахова партия, у котрей кажди ход могол буц розходовий, а у такей грi лєпше ше ориєнтовали гостї, котри славели з 80:77. Перши полочас баскетболїсти Гайдука ришели у свою хасн з 44:43, по трецей четвертини водзели з 61:60, а у остатнїх 46 секундох мали напад, алє храч Гайдука Йоканович промашел кош по добрим влєту, та гостї успели заховац три боди предносци и здобуц победу. Найефективнїши у дружини Гайдука бул Йоканович з 19 бодами, котри здобул и пец тройки. Баскетболїсти Гайдука у дотерашей часци сезони записали пец победи и штири програши, а у наступним колу пойду на гостї Омладинцу до Нових Бановцох.

Ђ.Боянич