Победа Червенки у Пачиру

Рукометаши Сивца у премиєрним зозиду першенства у Супер Б лиги, вочера, пред своїма навиячами, грали нєрешено зоз Мачвом з Богатича – резултат 25:25. Видзена права рукометна представа, з доста темпа, алє и драматики. Майже увесь час гостє мали резултатску предносц, алє нєсени подршку з трибунох рукометаши Сивца вишли на то же ю достигну и здобуду бод. Окреме драматични бул послїднї минут. Радулович з контри доведол Мачву до предносци 25:24, потим 34 секунди пред концом Радулович нєправилно застановює Калича, достава исклученє, а попри тим судиї одсугую пенал за Сивац. Найлєпши стрелац Сивца у Првей лиги Марко Чабаи виконав удар зоз седем метерох, голман Мачви го прочитал, лопта ше одбила до рук гравчох Мачви и кед ше очековало же гостє сохранє лопту, а з тим и победу, они хибя у покушаню додац, лопта достава до Беслаца котри дава вирунююци гол, и так бод остава у Сивцу. Найефективнєйши у екипи Сивца бул Калич з 10 голами, а епитет гравча зоз зозиду достал голман Сивчанох Богоєвич.

Наш другий суперлиґаш екипа Црвенки у першым коле першенства у Супер Б лиги мала гостёвиц Пожаревцу, алє домаци нє обезпечели вшитки неопходни условия за змаганє, та змаганє нє було одогране. Екипи Пожаревца дани рок до стреди жадани условия обезпечиц, и кед так будзе, дуел Пожаревца и Црвенки би одограли у штварток.

Футбалери Гайдука записали и штверту последовательну поржку у першенстве Србскей лиги ґрупа Войводина. Гайдук 1912 у суботу пред своїми навиячами поржени од Радничкого зоз Зренянина зоз 2:0. Турбуленциї у клубу, хтори вели до оставки тренера Зорана Чирича и одсуства капитена Давидова, подля вшекого мали вплив на дешаваня на терену. А кед ше, як ше и стало, гол приме у першой минути, тогди наисце тижко ше врациц до гри. По тей поржки футбалери Гайдука дванадцати на таблици зоз шестима здобитима бодами, а у наступуюцим колу идза на гостованє к дружини 1. Май Рума до Руми.

Футбалери Червенки здобули вредну победу. По тяжким пораженю од Старого ґрада, кед у Бачкей Паланки у пейтим колу першенства у Войводянскей лїґи, ґрупа север, програли з 6:0, утрак шесто коло и гостованє у Пачиру було нагода же би футбалери Червенки барз-барз одплатєли за пораженє у Бачкей Паланки. И так и було. Червенка вчора у Пачиру победзела Бачку з 4:0. Ґоли дали Бабич, Шакич, Фуртула и Милан Суботич. По тей победзе Червенка є десета на табели з 7 здобутих бодох, а у насампредшим колу пред своїма навиячами дочека екипу Радничкого з Сомбора.

Футбалери Русина зоз Руского Керестура у седмим колє пренства у Сомборскей подручней лиги на гостованю у Бачким Брестовцу з домацим БСК-ом грали нєрешено 3:3. Наприком, же домаци водзели з 1:0 и 2:1, Русин з голами Марковича и Давидовича поравнєвал, а з голом Джукановича пришол до водзства з 3:2, та домаци у 85. минуту дошли до виривнаня, та бодзи були подзелєни. Русин шицас десяти з 8 здобутих бодох, а у насамшеним колє у Руским Керестуре дочека Славию зоз Пивниц.

У шостим колу првенства у Сомборскей медзиопштинскей лиги перши разред, зо штирох представнїкох кулскей општини победу записали лєм футболери Кули. Куляни на Гедеру победзели тим Алекса Шантича з 7:1, гоч ше полчас закончел без голї. Кед Куляни у другей половини „отворели“ гостох з трома голями Букееловича, двома Димитрия Шарца, а по єдним Куколя и Тапая, здобули убедлїву победу. Младосц у Крушчичу програла ведучому Омладинцу з Деронї з 4:2, Полет у Сивцу програл Борцу з Бачкого Грачацу з 3:1, а Липар на гостованю у Србским Милетичу програл Задругару з 6:2. Кула є шеста на таблици з 10 бодами, Полет девети з 7, а Липар є єденадцати, а Младосц дванадцата з по шейсц здобутих бодох. У насамаршом колу у плану општински дерби: у Липару ше зиходу Липар и Младосц з Крушчича, Кула иде гостювац Лидеру до Оджацох, а Полет гостує у Алекса Шантича.

Кегляре Гайдука у другим колу првенства у Првей лиги Сербиї, ґрупа Войводина, програли Єдинству з Нового Бечея зо 7:1 у бодох, односно 3275:3191 за Єдинство у зваляних кегльох. Єдинственни бод Гайдукови принєсол Бранко Мановлович, хтори звалел 566 кеглї. Кегляре Гайдука по двох колох првенства маю записану по єдну победу и поразку, а у третем колу иду на гостованє до Кордуна у Кляїчеву.                    

Ђ.Боянич