Пейци узашедни пораз Црвенки

У осмим колу першенства у Супер Б лиги обидва нашо клуба, и Сивац 69 и Црвенка, були гости. Успишнєйши на гостованю були рукометари Сивца, котри у Велей Плани здобули бод, граючи нєрозишено 29:29 з домашнїма Морави. Перши часц вибранци Бранка Жежеля зришели у свою хаснь з 17:15, а у 38. минути мали и плюс пейц, кед водзели з 22:17. У 43. минути Сивац водзели з 23:19, алє теди настал пад у грї, цо домашнї хасную и зоз серию од 6:0 преходза до водзеньства. Прето, у послїднїм минуту искусни Витомир Калич зоз своїм осмим голом принєсол бод Сивцу. Попри Каличу, ефективни бул и Марко Чабаи, котри так само здобул 8 голи.

Наш други суперлигаш, гандбалисти Црвенки, на гостованю у Бачкей Паланки програли од Лавох з 35:32, наперек тому же перше полувреме ришели у свою корист з 17:15, а у 44. минуте мали и плюс штири — кед водзели з 26:22. Єдна з причинох за поразку є сигурно кратка ротация, бо Црвенчани до Бачкей Паланки одошли без штирох своїх найбољих гравцох: голмана Нємани Рачича, хтори одсуствовал хасля простуди, крила Александра Швеље, хтори мал обовязки на факултету, Игнята Нешича, хтори вивернул глєзен, и Ненада Славулици, хтори мал приватни обовязки. Найефективнєйши у редох Црвенки бул Бошкович, хтори постигнул 9 голи.

По осмим колу Сивац 69 є штвари на табели з 9, а Црвенка осма з 6 здобутих бодох. У насамшнїм колу Сивац 69 домаци Колубару з Лазаревца, а Црвенка є домацин Єдинства з Нового Бечея.

Футболисти Гайдука у 14. колу првенства у Србскей лиги, група Войводина, пред своїма навиячами грали нерешено 0:0 з дружтвом Вршаца. Причину же Куляни здобули лєм єден бод треба глєдац у недостатку концентрациї у завршнїци. У першим полочасу абсолутна доминация Гайдука, дакельо одлични шанси, погодзена статива, алє ґола нє було. У другей часци, кед им хаснуло сили, нє було ани шанси, та ше сусрет закончел без победнїка. Гайдук 1912 єст у тим часе пейцнадцати на табли з 10 здобутима бодами, а у последнїм колу єсенскей часци првенства Куляни гостую у Дунава у Старих Бановцох.

У 14. колу првенства у Войводянскей лиги, северна група, футболери Црвенки записали и пету послїдовну препору. На гостованю у Челареву Црвенка препорела од домацей дружини ЧСК Пивари з 5:1. Почестни гол за Црвенку постигнул Костич. Футболери Црвенки су тринадцати на таблици з 13 бодами, а у послїдним колу подзимней часци првенства пред своїма фановами витая Младосц з Турие.

Футбалери Русина здобули штвари шлєдуюци виграш у 14. колу першенства у Сомборскей окружней лиги. У Руским Крстуре побежена Тврдава з Бача з 4:0. Переконлїву гру домацих, з по два голи, окончили Бранкович и Давидович. Русин є пети на табели з 26 бодох, а у послїднїм колу подзимней часци першенства иде на гостованє к предпошлєдньому Кулпину.

У предпослїдним коле првенства у Меджуопштинскей лиги Сомбор, перша класа, футболїсти Кули и Младосци з Крушчича здобули ценно перемоги. Кула на Гедеру победзела Тереквеш з Свилойова з 1:0, а гол ришеня дал Букейлович. Младосц у Крушчичу победзела Партизан з Купусини з 3:1. Гоч же гости повели, футболїсти Младосци з двома голами Милоша Рабреновича и голом Вої Вуковича здобули три бодзи.

Найзанимлївейше було у Липару, дзе ше у дербию кола зишли Липар и Омладинац з Дероня, котри до тей колї бул на челе. Стреченє закончело ше без виграшника – резултатом 1:1. Липар повел голом Луке Ковача, а у другім полчасу гости дошли до виривнаня голом ветерана Милана Давидова з пеналу. Наш штвари представител Полет з Сивца на гостованю у Станишичу преграл домакином, дружтву Станишича, з 2:1. Липар моментално пети на таблици з 28 бодами, Полет седми з 20, Кула осма з 19, а Младосц тринадца з 15 бодами. У остатней колї ясєнєй часци првенства Липар иде на гостованє к Гайдуку у Стапару, Кула будзе гостём Партизана у Купусини, Полет ше у Свилойову стреча з Тереквешом, а Младосц будзе гостём ОФК Оџака.

Минути викенд бул успешни за Одбојкарски клуб „Гайдук“. Мушка дружина у пейтим колу првенства у Првей войводинскей лиги, група запад, пред своїма навиячами у Кули победзела Младосц з Турии зоз 3:0, по сетох 25:19, 25:23 и 25:20. То була друга првенствена победа одбојкарох Гайдука, котри у насцедуюцим колу иду на гостованє до Одбојкарского клубу Нови Сад. Одбојкарки Гайдука у другим колу првенства у Другей войводинскей лиги, на гостованю у Новим Бечею, победзели домашню дружину, Младосц, зоз 3:1, по сетох 24:26, 25:9, 26:24 и 25:19. По двох колох одбојкарки Гайдука маю дви победи, а у насцедуюцим колу домакаю дружину Респект з Ковиля.

Баскетболисти Гайдука у 7. колу першенства у Првей сербскей лиги пред своїма фанушиками препали од Єдинства з Нового Бечея з 102:94, полчас 48:46 за Гайдук. На початку штвартей часци Гайдук мал осем бодову предносц, водзел з 78:70, алє у остатнїх дзесяц минутох приял 32 бодох, дал лєм шеснац, та гост заслужено славел. Найлєпши у редох Гайдука бул капитан Зоран Шкрбич. Зоз штирма виграшами и трома поразками баскетболисти Гайдука су тераз пети на табли, а у наслїдуюцим колу идзу на гостї к водеєму Срему до Сремскей Митровици.

Ђ.Боянич