Пензионером по 100 евра 15. мая
Министер финанциї Сербиї Синаша Мали повел, же мера помочи гражданом добра, бо ше у каждим случаю враци до привреди Сербиї. „Ми на засиданьу Влади усвойме ребаланс буџета, котри обхопи уши тоти економски меры и
Министер финансий Сербиї Синаша Мали повешал же мера помоци гражданом добра, бо ше вона так и так враци до господарства Сербиї.
„Ми будземе на засєданю Влади усвоїц ребаланс бюджету котри будзе обнимац вшитки тоти економски меры и уж перши тейжень мая зачина виплата минималних заробокох. Тиж усвоюєме одредбу о 100 євра каждому гражданинови Сербиї. Автоматски вшитким пензионером, 1,7 милиона, и вшитким котри доставаю социялну помоц автоматски уплатиме по 100 євра. Зачинаме од 15. мая, а потим даєме остатним повнолїтним гражданом можлївосц приєднайц ше, чи хочу 100 євра“, повешал Мали за ТВ Пинк.
Додал же то ше потвердзовало телефоном, бо попереднї днї чул же многи нє хочу тоту помоц.
РТВ
Повнолїтни гражданє котри буду хцели од держави достац 100 евро, буду мушиц пријавиц ше, а перша можлївосц за пријаву будзе онлайново прек портал Управи за трезор, а друга можлївосц по телефоне на числа котри буду на час обявени.
Податки, котри будзе обовязне навести у приголошеню, то имя, презиме, ЄМБГ и число банковского рахунку. Тоти, котри нє маю банковски рахунок, буду мац можлївосц то навести у приголошеню, а держава им автоматично отворї рахунок и обвисци их о тим.
