Палєнє Бадняка у вшакших месцох

Баднї дзень, з традицийним палєньом Бадняка, свечено ше слави в каждим месце у нашej општини.

У Кули освяченє и полаганє Бадняка, по традициї, будзе одбите на двох местох. Найперше пред Храмом Святого Марка, дзе освяченє и полаганє Бадняка зачне ше у 14 годзини и 30 минута. Освяченє и палєнє Бадняка у Кули, у орґанизациї месних заєднїц, од 19 годзини будзе одбите и на Ярошу, дзе ше буде роздавац дарунки за дзеци, а за вшелїх посетительох, при живей музики, обезпечене варене вино и чай.

У Црвенки, у порти Храма Святого Сави, од 15 годзини и 30 минутох Бадняк посвеци и наклада староста Светосавского храма, презвитер Милош Петрович.

Лития з Бадняком по Сивцу днесь вирушує о 14 годзини, а потим у школским дворе, при порти храма Светого отца Николая, будзе палєнє Бадняка, а потим и роздаванє Баднякох и цукеркох у самим храму Светого отца Николая.

У Липару будзе налаґани Баднїк пред Храмом Успеня Пресветей Богородици у стредку села, з початком у 18 годзини. При тей нагоди ше каждому малому зоз школки, як и полазнїком вероученя по 4 класу, подзелї дарунки. О полуноци у Храму Успеня Пресветей Богородици у Липару будзе служене божикне утренє.

У Месней заєднїци Крушчич днеска вечар од 17 годзини и 30 минути будзе одрукована традицийна прослава Бадней вечери у стредку села. Орґанизацийни одбор ше постарал, же би дзеци з Крушчича при палєню Бадняка достали и пакунок. До подзелованя пакунох буду залучени вец од новородзених аж по учнїкох пейцей класи основней школи. Так само пакунок достану и дзеци того возросту, хтори гостє Крушчичанох и буду присутни на прослави Бадней вечери. Подля оцени Орґанизацийного одбору будзе розданих вецей як 300 пакунох.

У Месней заєднїци Нова Црвенка прослава Баднього вечера зоз запалєньом Бадняка будзе одбита на церквищку при Клубе пензионерох, а зачне ше у 16 годзини и 30 минута.

Палєнє Бадняка будзе пририхтоване и в Руским Керестуре. Бадняк будзе палєни од 17 годзини у центру села, пред рестораном „Код малог Чави“.