Одбувана перша порядна схадза Скупштини Општинского фудбалского союзу Кула

Учера вечар у Кули отримана перша шореґулярна схаднїца Скупштини Општинского футболского союзу Кула за мандатни период 2019. – 2023. рок.

Након што предсидатель Општинского фудбалского союзу Миодраг Гогић отворел засїданє, вибрани су робочни орґани. Верификацийна коми́сия утвердила же на засїданю Скупштини присутни вшицки 15 делегати, чим су обезпечени условия за правноплатну роботу и одлучованє. При розпатраню и схвалйованю записнїка з претходней Виборней Скупштини, делегат Футбалового клуба Полет из Сивца Жељко Варагић висловел примедбу на то же материјал за засїданє достал аж на самей засїданю, та два делегати з Сивца у дальшим току засїданя при голосованю були уздржани. Потим члени Скупштини схвалєли Пословнїк о роботи Скупштини, по чим наслїдово поданє Звида о роботи Виполнїтелного одбору за период од 1. януара по 31. децембра 2019. року, котри подал предсидатель Союзу Миодраг Гогић, а у рами котрого свої звиди подали и представителє тренерскей и судийскей орґанизациї Општинского фудбалского союзу. Подани и Звид Контролного одбору Општинского фудбалского союзу за период од 1. януара по 31. децембра 2019. року; подал го предсидатель Контролного одбору Драган Ягодић, котри по поданю звиду ознамел же подноши оставку на вшицки функциї у футбаловим шپورту, з жаданєм же би ше до роботи запровадзели младши людзе. Делегати Скупштини потим розпатрали и схвалєли Финансийни звид за тот период, а розпатрани и схвалєни и финансийни план Општинского фудбалского союзу за тот рок. У рами точки розличне конштатована оставка предсидателя Контролного одбору Драгана Ягодића, и на предкладанє предсидателя Општинского фудбалского союзу Миодрага Гогића за нового предсидателя Контролного одбору вибрани Милош Збућновић, док члени Раде Бјелан и Ђорђе Букејловић, а тиж на предкладанє Гогића за подпредсидателя Општинского фудбалского союзу вибрани Милан Вујаковић.