Одбойкарки Гайдука вибороли пласман до Першей войводинскей лиги

Одбойкарки Гайдука синоч у последнїм колу првенства у Другей войводинскей лиги на своїм терену у Кули победзели екипу Респект з Ковиля з 3:0 у сетох, здобули перше место и обезпечели пласман до Першей войводинскей лиги. Кулянкам була потребна победа у трёх сетох, жеби зберегли лидерску позицию. Перший сет одбойкарки Гайдука ришели у свою корист з 25:12, алє у другим було видзети вецей борбу и тот сет одбойкарки Гайдука здобули з 25:20. Ношени добру гру и позитивну енергию здобиту по двох виграних сетох, одбойкарки Гайдука виграю и трецей сет з 25:15 и так сполняю свой циль: здобуваю перше место и здобуваю право у наступуюцей сезони змагац ше у Першей войводинскей лиги.

Кедз иде о остатнї колективни шпортови, змаганя помали пришли ку концу.

У последнїм колу првенства у Србскей лиги ґрупа Войводина футбалєри Гайдука у Кули приймаю Войводину з Перлеза. Вшитко окрем победу домацих було би велике препаченє, бо Войводина последня на табели, а Гайдук у предходних шейсц утакмицох нє бул поражени и нєпохибно будзе хцеци ше победу розлуциц зо сезону. Зустриток футбалєрох Гайдука и Войводини з Перлеза на стадиону „Милан Среданович“ будзе одограни заутра, а зачне ше у 17 годзини и 30 минут.

Закончую ше першенство и у Войводинскей лиги ґрупа север. Футбалєри Црвенки у остатнїм колє одходза на гостованє к Войводини до Бачкого Ґрадишта. Црвенчани су у вельми шижким положеню и найправдзивейше ше у наступней сезони преселї до нижшого ранґу, бо лєм у случаю реорґанизациї змаганя футбалєри Црвенки з можлївим победством у Бачком Ґрадишту можу остац войводински лїгаши. Стретенє футбалєрох Войводини и Црвенки у Бачком Ґрадишту будзе одогране завтра, а зачне ше о 17 годзини и 30 минути.

У предпослєднім колє првенства у Сомборскей обласней лиги футболери Русина з Русского Керестура идзу на гостованє Полету до Каравукова. Обидві дружини виришели вше клопоти о статусе, так же мож очековац, же без обременєня результатом одограю красни змаганє. Змаганє футболерох Полета и Русина будзе у Каравукове одогране у нєдзелю, а зачне ше о 17 годзини и 30 минут.

У послїднїм колє змаганя у Сомборскей медзиопштинскей лиги, перша трупа, футболери Липару дочекаю ОФК Оджаке, а кедз уж обезпечели друго место, тот сусрет Липарчаном послужи и як приправа на бараж, зоз котрим буду пробовац достац ше до квалитетнейшей ступнї змаганя. Осталши три наши клуби гостюю. Сивацки Полет иде на гостйованє к првакови Братству до Пригревици, Кула гостує у Омладинцу у Деронє, а Младост з Крушчичу будзе у Стапару мери́ц сили з Гайдуком. Вше тоти сусрети на програму у нєдзелю, а почну ше о 17 годзини и 30 минутох.

У последнїм коле першенства у Првей лиги за гандбалерки тим Лаки з Црвенки гостує у Раванграду з Сомбора. Тим Раванграда нє ма здобутих бодох, а млади Црвенчанки злапшали старосци о опстанку, можу грац без оптереци и у такей гришци дойти до победи. Стреч гандбалеркох Раванграда з Сомбора и тиму Лаки з Црвенки будзе одограни завтра у Ридїци, а зачне ше у 20 годзини.

Ђ.Боянич