Од 1. юлия уводзенє ґасу по поволївших условох

Шицки домацинство у Србиї, котри желя завесц ґас, од 1. юла буду моц учиниц то под вигоднєйшима условиями, бо „Србијаґас“ скорейше ришел зменшиц домацинством цену приклучка на 780 євра, з можлївосцу плаценя на рати.

Цену приключеня од 1. юлия зменша на 780 евр з ПДВ-ом и будзе мож ше плациц на рати три роки без камати, у рамику месачней фактури. За приключенє на ґас терка ше плаци од 1.000 по 1.500 евр.

Стручняци указую же векше хаснованє ґасу, окрем енерґетичней, доноши и економску, алє и еколоґичну корист.

Войислав Вулетич з Удруженя за ґас Сербиї поведа же ґас найевтинше гориво и же приреди за хаснованє природного ґаза так направени же маю високи ступень искористованя, та самим тим и потрошованє менше.

Вулетич за Танюґ поведа же у Сербиї вельо позно зачало хаснованє ґаза и же тераз лєм околи 300.000 домацинства хаснує тот енергент, цо у одношеню на европски держави є файн мали число.

Підкреслює же у цалим швеце хаснованє ґасу найевтинше за широку потрошню и же держави вельо заинтересовани, жеби ґас хасновал ше чим вецей.

Наводзи як приклад Италию дзе гражданом омогуцене же бесплатнє достану приключенє на ґас. Глядяци на ґасову мрежу, лєм шейсц округи у Сербиї цалком ґасификовани.

Очекує ше же ґазовод "Балкански ток" приспеши и гасификацию держави.

Днєвнїк