Обезпечени транспорт школяром

Одняшка „Кулатранс“ зацина продавац месачни карти за превоз школярох путнїкох, а їх превоз у шицких направлениях до школох будзе обезпечени и правилни. Тото резултат вчорашнєй договорки предсидателя општини Кула Драгана Трифуновића, заменїка предсидателя општини Велибора Милојичића, тимчасового заступнїка капіталу у АД „Кулатранс" Стефана Гелєвайчука и директора того превозника Ференца Козме.

Засцанок одржани з нагоди зачатку нового школского року, з цїльом розпатриц актуалну ситуацію у фунґованю АД „Кулатранс“ и обезпечиц правилни превоз школярох путнїкох, роботнїкох и вшелїякших других гражданох у кулскей општини. Окрем того, на засцанку було сказане же обезпечени достаточни число автобусох за потребне число одходох на шицких линиях.

У складзе з општинским Ришеньом о реґресованю школского превозу на рахунок школярів, односно їх родичох, буду пребачени пенєзи за месачни карти, а родичом и школяром є адресована апел да хасную превоз „Кулатранс“ и таким способом помогну локалному превознику, жеби нєрушено фунґовал.

Договорене и же ше каждоднєвно будзе слїдзиц реализация тей догоди и превоз дзеци, а евентуални проблеми ше буду ришовац у току школского року.

Месачни карти за септембер школяре муша купиц до вторка, 3. септембра. 2013. року, бо кондуктери карти буду наплацовац од 4. септембра. Кед Општина до того датума нє пренєше гроши за школярски карти, тоти им буду врацени.

Извор: кула.рс