Обелєжени дзень населєного места Нова Црвенка

Жительоци Новей Червенки и їх гостє ославели День того населєного места. Покля Дня места, уєдно обелєжени и День сербскей єдности, свободи и националней застави. Програм зачал зоз зґромадзованьом гостий и господарох пред памятнїком у стредку валала, а потом, точно на полудне, положени вєнец на памятнїк солунским добровольцом, учашнїком у ослободзуюцих войнох од 1912. до 1918. року. Кром представнїкох Општини Кула и Месней заєднїци Нова Червенка, венци положели и представнїки СУБНОР-а Општини Кула, Месней орґанизациї Союза здруженьо борцох Нова Червенка и Здруженя кнїжовних и ликовних творцох „Стазе“. По положеню венцох, свої рецитали прочитали бешеднїки Углєша Слиепчевич и Гавра Веселинович. Тиж так, з нагоди Дня Новей Червенки орґанизовани и богат културно-уметнїцки програм у Дому култури, а програм ослави закончени забавним програмом зоз живу музику. Предсидатель Совиту Месней заєднїци Нова Червенка, Зоран Гойкович повел же му вельо драго же ше баш у Новей Червенки, вєдно зоз дньом валала, обелєжуе и День сербскей єдности, свободи и националней застави, и же вельо важна задача преношенє младшим поколєньом лекцийох о патриотизме и геройстве предкох: „Мнє є надзвычай драго же ше у Новей Червенки обелєжуе День сербскей єдности, свободи и националней застави. Як господар, пресчастлїви сом же то баш ту и же мам чест привитати гостий. Ово валал дзе живу потомки солунских добровольцох и ми преношиме младшим поколєньом лекциї о патриотизме и геройстве їх и наших предкох“. Предсидатель Општини Кула, Дамян Милянич подчеркнул єдну битну ствар вязану за живот у Новей Червенки, а то отворенє обиска, котри ту нїґда нє екзистовал и нє функцинировал, чим значно будзе улєгчани живот, як наймладшим жительом Новей Червенки, так и їх родичом: „Нова Червенка, як ше ми видзи, найкраще место за обелєжованє вельо важного празнїка за нашу державу и народ. Тото место найменше населєне у нашej општини, алє сигурно нє забуте и занедбане. Многи красни ствари ше дзею у Новей Червенки, та перши раз маеме єдну красну повестку, а то отворенє обиска, котри ту нїґда нє функцинировал и нє екзистовал. Тераз, зашлєбодзягуюци Министерству просвити и Предшколскей установи „Бамби“, ушли зме до того проєкту и мислим же роботи на єдним општинским обєкту скоро буду завершени, чим оддзелєнє обиска зачне з роботу“. Населєне место Нова Червенка ма и свойо представнїкох у локалним парламенту, а одборнїк Милан Тадич повел же ту зробене много добрих ствари, а же у планох за будуци рок и роботи на водоводней мрежи, чим будзе вирєшана ище єдна велїка проблема у Новей Червенки: „Найпрвей би ше подзяковал вшелїким гостём котри пришли до нашого валала и тим увеличали ославу важного дня за нас. У Новей Червенки досц ствари зробене, як и предсидатель Општини спомнул, перши раз ше отвара обиско, а у плану же ше будуци рок будзе робиц и водоводна мережа. Тиж так, зробене и дїцко граялїще, та нашо дзеци маю дзе квалитетно провесц час. Маеме ище много планох, на чийой реализациї вельо робиме, а нє сумнївам ше же, зоз вельку и ключову подшорку локалней самоуправи, у Новей Червенки будзе зробене ище много того, у месту котре створели нашо славни предки, та наша дужносц ховац споминку на нїх и стално робиц на улєпшованю условий жительства у нашим месту“. Фотогалерия