Нови камион за ЯКП „Водовод“ Црвенка

Од днєска Явне комуналне подприємство „Водовод“ у Црвенки богаче за нову робочу машину. Имено, днєска до того подприємства дошол нови камион за одношенє опатку, а о його значеню и за подприємство и за гражданє Црвенки повекох повеце повел директор „Водоводу“ Милян Драшкович.

–Днес за нас вельки дзень, бо нам коначно дошол камион, на котри довго чекали. Кажем коначно, бо требало додржиц временску процедуру оглашованя явней набавки, вибераня найповолївшого понукателя и найпосле додржиц и рок достави такого возила. Заменицме стари камион, котри нам служел 18 роки. Було неопходне замениц стари камион, бо кошти резервних частей и честих ремонтох були велике бременє за нашо финансованє. Стари камион нє будзе продати як секундарна сировина, алє будзе ремонтовани и гаражовани и будзе на хаснованє каждей нашей општинскей фирми, жеби могла з нїм помоц. Кед ришовали, якого камиона набавиц, водзели зме ше квалитетом и средствами, з котрима можеме забезпечиц тот квалитет. Ришели зме ше за камион марки МАН, нїмецького виробителя, а у швеце транспорту добре ше зна, як звучне то мено. Камион купени од бєлградского „Ватроспрема“, фири котра реномировани виробитель надбудов за комунални и пожарнїчни подприємства. Надбудова найважнєйша на камиону за смеце. То простор дзе смеце складую, прешую и превожу на сметїще. Дуже важни и систем за подношенє малих контајнерох од 1,1 кубного метра, як и канти за смеце. Тераз будземе моц и швидше и лєпше виконац роботу вивоженя смецу. Надзевам ше же жителє Червенки видза же „Водовод“ инвестує, розвива ше и напредує, та их зато призиваю жеби рихтенно плацели рачуни за пружени комунални услуги, жеби и надаль могли им пружац чим квалитетнєйшу и лєпшу услугу. Купели зме камион за смеце; шлїдуюца инвестиция може буц копанє єдного студнї або цо ище одредзиме як нашу приоритетну потребу – повел директор „Водоводу“ Милян Драшкович.

Опремованє комуналних подприємств, жеби ше полєпшела квалитет услуг, котри даваю громадяном, єдна з приоритетох у роботи локалней самоуправи, кажe предсидатель општини Кула Дамян Милянич, котри бул при приїздзе нового камиона за одношенє одпадкох до црвенчанского „Водовода“.

–Квалитетна услуга основни циль у фунґованю вшелїх општинских служби, та и комуналних подприємство, а єден з условийох за то, попри стручних и обучених робочих, напевно и їх опремленосц. Ево, дзеньска у Црвенки, по многих рокох, єдна серйозна инвестиция – нове комуналне возидло. Того року будзе ище таких новинок у наших комуналних подприємствох, бо то договор комуналних подприємствох и Општини, котра их основала. И дотерашня услуга комуналних подприємствох на уровню цалей општини була квалитетна, а ово лєм полєпши тоту квалитету, а и роботи, котри комунални подприємства договорюю зоз општином, представяю серйозни доход у їх дїлованю и уможлївяю їх нормални розвой. Тренд и опредзелєнє Општини то, же комунални подприємства и локална самоуправа буду договоровац чим вецей робот, котри можу виконац, а нє хлєбиц их на тргу, та же так комунални подприємства здобуваю додаточни доход и розвиваю свою дїялносц – повидал председатель Општини Кула Дамян Милянич.