Нє будзе онлайн прийомного испиту за надарени школяре

Нє будзе онлайнового приємного испиту за надатих школярох, як було скорей оглашене, алє приємни испити буду орґанизовани у школох, як и попереднїх рокох, кед ше епидемиолоґийна ситуация з новим корона вирусом заспокої, кажу у Министерстве просвити.

Тераз ше провадзи приголошованє школярох за складанє приємного испиту за упис до специализованих оддзелєнь гимназийох — математичного, филолоґийного, ИТ и других, як и до уметнїцких школох — музичних, балетних, ликовних.

  У сообщеню Министертва просвити наведзене же ученики котри ше интересовали уписац специјализовани оддзелєня, виполньовали анкету о условийох у котрих би ше приємни испит могол реализавац з дому.

  Дошло ше ку заключку же нє вши ученики маю доступне прибори за реализацию испиту на даялек, и же коло 10 проценти зоз дотераз пријавених ученикох нє може складат приємни он-лайн.

    „Же би ше додержел єден з основних принципох образованя, а то роўна приступносц образованя за вше школяре на цалей териториї Сербиї, Министерство приступи реализациї тих испитох дотерашнїм способом, кед епидемиолоґийни ризики спадну на найменшу можлїву меру“, указує ше у оглашеню.

Повядаю же до того часу середнїм школом буду доступни податки о числу заинтерешованих школярьох и предкладаци способи орґанизованя безплатного онлайнового припремного обучованя.

Днєвнїк