Викенд у знаку футбалу

И наступуюци викенд будзе у знаку футболу. У шостим колє првенства у Сербскей лиги ґрупа Войводина футболери Гайдука домака екипу Дунава з Старих Бановацох. Кед ше погляднє на таблу, на котрей Гайдук штверти з 10, а Дунав осемнадзати з трима здобутима бодзиками, улога фаворита напевно припада Куляном. И з того, же екипу Дунава буду гостиц на своїм терену, на котрим предходни три првенствени стречи ришели у свою хасц. Но, тренер Гайдука Слободан Бачич опомина своїх вибраних, указуюци же гостє троха слабше стартовали, алє же то екипа з плеядом младиг и талентованих гравцох, та же стреча з Дунавом нє будзе нїч лєгчейша од предходних, прето футболери Гайдука буду мушиц вложиц максимум напора, кед хцу победу. Стреча футболерох Гайдука и Дунава з Старих Бановацох на стадионе „Милан Среданович“ будзе завтра, а зачне ше у 16 годзини.

Футболери Црвенки у шостим колу першенства у Войводинскей лиги, ґрупа север, витаю дружтво Текстилца з Оџакох. Црвенка и Текстилац су єденадцати и дванацати на таблици, з по 5 здобутих бодох, з тим же Оџачани маю утримок менєй. Црвенчани веря на предносц домацого терену и найавюю победу у бою з давним знаним. Дуель Црвенки и Текстилца з Оџакох на стадиону «Милорад Џомба» будзе одограни заутра, а зачне ше о 16 годзини.

Водза Сомборскей окружней лиги, футболери Русина у шесцим колє пренства дочекаю дружство Будучносци з Гложану. Крстурчани у предходних пейцох колох записали штири победи и єден реми, дакле нєпоражени су, граю на своїм терену, та цалком зрозумено поручу, же и по стречи з дружством з Гложану остану на водзей позиции. Стреча футболерох Русина и Будучносци з Гложану у Руским Крстуре будзе одограна у нєдзелю, а почне ше о 16 годзини.

У штвартим колу першенства у Сомборскей медзиопштинскей лиги перши ступень, зоз штирох представнїкох з нашой општини троє граю дома, а лєм Младосц з Крушчића є гостом. Крушчићани заутра гостую у Купусини, дзе ше стретаю з Партизаном. Домаци су последнї на таблици, без здобутого боду, а Крушчићани, охрабрени победу зоз предходного кола, найавюю нови успих. Осталє три нашо дружтва пойду на терен у нєдзелю. Кула на Гедеру вита дружтво Єдинства з Рибарева, Липар є домацин Тереквешови з Свилойова, хтори остатнї шеще нє здобул ani єден бод, а Полет у Сивцу вита Гайдук з Стапара. Можеме ожидавац победу наших представнїкох, а вецки найавени утримки зачньо ше о 16 годзини.

Ђ.Боянич