Населєне место Нова Црвенка скоро будзе мац цалком заменьену водоводну мережу

Населєне место Нова Црвенка навщивел председнїк општини Кула, Дамян Мілянич, а повод за навщиву була наява зачатку роботох на замени остатка водоводней мрежи. У предходним периодзе водоводна мережа заменєна на половини териториї населєного места, а предстояцима роботами будзе окончен цали посол и Нова Црвенка достане цалком нову водоводну мережу. За припоминанє, Општини Кула су доделєни средства у суми приблїжно 28 милийони динари за финансованє проєкта „Вишньованє водоводней мрежи у населю Нова Црвенка – докончованє першої фази и друга фаза“. Председнїк општини, Дамян Мілянич, подчеркнул же Нова Црвенка найменше населєне место у нашej општини, алє далєко од того же то место дзе ше найменє улага, и же зоз реализацийов инвестициї у водоводну мережу будзе окончен єден комплексни инвестициони циклус: „Днеска ше ми указала нагода розгваряц зоз гражданами ту у Новей Црвенки о планох за будуци период, а найзначнєйше то же Нова Црвенка як найменше населєне место каждe рок ма яку нову инвестицию, и то указує же и у найменших местох проблеми вирюю по фазох. Претходних рокох ше робело на нових дзецих игралишцох, спортских теренох и поправки уличох, а на початку того року практично су окончени роботи на реконструкциї звоника и простору коло паметнїка солунским добровольцом. Того месеца роботи покрачаю, подписана је зоз виконавцом контрактура и очекуєме же виконавец у предстояцим периодзе зачне з роботами на замени остатка водоводней мрежи. Годносц роботох коло 28 милийони динари, а з докончованьом замени водоводней мрежи будзе докончена и та часц посла. За припоминанє, половина посла уж зробена и остава замена у остаточней часци села. То значна инвестиция, зоз котру ше вирює проблем, котри у населєним месту Нова Црвенка трає уж вайц десятлїц“. Явне комуналне предузециє „Водовод“ анґажоване на активносцох одржаваня водоводней мрежи у Новей Црвенки, а водоинсталатер у тим предузециї, Раде Радманович, повел же остава зробиц коло два километри водоводней мрежи, а же велїкого значеня то же вишньовани нови бунар, и же после окончаня роботох и притисок води будзе лепши, и верує же гражданє буду вельми задоволєни: „Напредз бих ше захвалєл председнїкови општини за видвоєня средствох на докончованє єдного важного посла. Остава зробиц коло два километри водоводней мрежи, вишньовани нови бунар, котри спойме зоз мережу, а так само зробиме и нови приклучки. Вода хигиєнски исправна и безпечна за хаснованє, а з окончаньом роботох, котри ше насампат, притисок будзе лепши и веруєм же гражданє буду задоволєни“.