Наступни виходзен стартує першенствена сезона за войводянски клуби

Будучи же наступного викенда зачина першенственна сезона за клуби, котри су под надлежносцу Футбалового союзу Войводини, а дзе иде о клубох, котри буду змагац ше у Србскей лиги група Войводина, з нашого краю то Гайдук 1912, и у войводянских лигах, у котрих у северней групи буду змагац ше футболери Црвенки, Футбалови союз Войводини утвердзел и клубом послал протокол за организацию матчох у вшитких лигах Футбалового союзу Войводини у ванредних обставинох, заволаних ширеньом вирусу ковид- 19 у такмичарским року 2020–2021. року.

У общих упутствох наводзи ше же вшитки учаснїки у организованю и спроводзеню утриманя утриманя предвидзеного тим протоколом ма додержовац ше вшитких прописаних мер Влади Републики Сербиї, котри ше одноша на спречованє ширеня вирусней инфекциї ковид-19.

Зграмаднє зоз утвердзеним протоколом, а у складзе зоз одлуку надлежних орґанох Републики Сербиї, на утакмицох нє дозволене присуство публики за опасносц ширица корона вирус. На утакмицох можу буц по 18 играчи обох тимох, по шейсц члени стручних штабох тимох котри граю утакмицу, по шейсц члени управ клубох, пейц судиї зоз позерачом судзиня, пейц делегати и комисари, шейсц збирачох лопти, два члени хитней помоци, єден камермaн, троє новинарох, троє члени технїцкого персоналу и пейц члени служби за порядок – вкупно 90 особи. Кед иде о шаваню особох на стадиону, ношенє защитних маскох на отворених и затворених просторох у рамикох стадиона є обовязуюце.

Повели зме же у викенд зачина футболова сезона за клуби з нашої општини. У першім колу першенства у Сербскей лиги ґрупа Войводина футболери Гайдука у Кули принїмаю Старе место з Бачкей Паланки. Змаганє на стадиону „Милан Среданович“ будзе одогране зараня, а зачне ше о 17 годзини. У першім колу першенства у Войводинскей лиги ґрупа север футболери Црвенки зараня од 17 годзини у Србобрану одограю змаганє з дружтвом Србобрану. У першім колу першенства у Сомборскей окружней лиги футболери Русина у нєдзелю у Руским Крстуре од 17 годзини и 30 минути принїмаю дружтво Кулпина. За остатнї футболски клуби з кулскей општини, котри змагаю у Сомборскей медзиопштинскей лиги перши розряд, першенственна сезона зачне ше 22. односно 23. августа.    

Ђ.Боянич