Найава спортских подїйох у вихендових днях

Тот викенд зачина ше шампионат у рукометней Супер Б лиги, у котрей такмича рукометари Црвенки и Сивца. Црвенка у першым колу дочекує старого познаного – Колубару з Лазаревца. Дуели тих двох тимох вше були нєизвисни, алє Црвенчани ше надаю же буду хасновац предносц домашнього терену и зоз победу отворя сезону. Гандicap представя факт же бек Жегарац у карантину, а вшелїки остали гравци су на розположеню тренера Милоша Митровича. Зозход рукометарох Црвенки и Колубари будзе у сали „Слободан Чиле Мишкович“ одграни завтра, а зачне ше у 18 годзини.

Сивац 69 у премиєрним першенстве гостує у Инђиї, дзе ше стрета з истоимену дружину. Сивчани добрє робели у припремним перйодзе, алє до Инђиї пойду ослабени. Стреднї бек Џабасан зоз хаслїдок травми випадол на длужши час, пивот Класан ма вирусну хору, искусни бек Славулица будзе одсутни кедз обовязкох на роботох, Милан Шаїн є недоволно припремани, а кедз травми будзе хвибиц и бек Йокич, медзитим тренер Сивчанох Бранко Жежељ наглашує же його дружина иде до Инђиї без билей застави. Стрет рукометарох Инђиї и Сивца ше одогра у Инђиї у недзелю, а зачне у 18 годзини.

У другим колу шампионату у Першей лиги за рукометарки обидва клуба з нашой општини домаци. Рукометни клуб Лаки у суботу од 20 годзини дочекує екипу Ядрана з Фекетича, покля новачка у прволигашкей дружини, Женски рукометни клуб „Круле“, будзе у нєдзелю у Сивцу од 18 годзини дочековац Руму.

Футбалєри Гайдука у седмим коле пременства у Сербскей лїґи ґрупа Воєводина на своїм терену дочекаю дружину Борца з Сакула. Куляне звязали два порази и сигурно жадаю прекрациц тот негативни ряд. Но, нє будзе лехко, бо дружина Борца квалитетна, о чим свидочи и штварта позиция на таблї, а Куляне ослабени, бо у предходним стречаню обидва голманє достали червени картони, та проти дружини з Сакула будзе бранїц млади Александар Дамянович. Стречанє футбалєрох Гайдука и Борца з Сакула на стадийону „Милан Среданович“ будзе одогране завтра, а зачне ше у 15 годзини и 30 минути.

У седмом колу первенства у Сомборскей окружней лиги з тройох наших представнїкох лєм Русин домацим. Керестурчани на своїм терену дочекаю екипу ЖАК-а з Сомбора. Футболери Русина у победней сериї, звязали три вигри, граю на своїм терену, та логично же жадаю продовжиц успишну серию. Футболери Црвенки идза до гостох другопоставеному Радничкому до Раткова, а Липар гост Борцу у Обровцу. Вшелї тоти стречи на програму у нєдзелю, а зачну ше о 15 годзини и 30 минутох.

Шесто коло шампионату у Сомборскей медзиопштинскей лиги першого розреду будзе означене општинским дербиєм, котре ше одграє у Сивцу, а у котрим ше зийду Полет и Кула. Сивчани у предходним колу перши раз осцицели горкосц поразу, Кула по стартовим поразу записала штири победи, што указує на то же и у Сивцу буде юриц на победу, а то сцаша занимлїву футболску представу. Наш треци представнїк у тим рангу такмиченя, екипа Младосци, будзе у Крушчичу хасциц екипу Динама з Бачкого Брега. И тоти зозходи су на програму у нєдзелю, а зачну ше у 15 годзини и 30 минути.

Кегляши Гайдука у трецим колу первенства у Првей войводинскей лиги гостую у Фекетичу, дзе у нєдзелю, од 10 годзини, одограю стречу з екипом Нови елан з Србобрану.

У Црвенки будзе у нєдзелю, у орґанизациї Кошаркарского клуба „Яфа Ол старс“, одржани „Яфа Ол старс баскетбол куп“. На кадетским турниру участвую екипи Партизана НИС и Мега Сокер Бет з Беоґраду, покля з нїма ту и кадети з Бечея, як и екипа домацих Яфа Ол-Старс з Црвенки. Тиж так, зоз селекцию младших пионерох будзе участвовац, попри домацих „Яфа ОЛ старс“, и екипа Кошаркарского клуба „Ника“ з Суботици. Такмиченя у нєдзелю зачну ше у 11 годзини, а финални зозход, по котрим екипом буду додзелени медалї и признаня, зачне ше у 18 годзини.

У рами припремох за наступаюцу пременствену сезону кошаркаре Гайдука будуть завтра гостовац у Гайдобре, дзе одограю прилапшени стречанє з дружину Херцеговца. Стречанє зачне у 18 годзини.

Ђ.Боянич