Найава спортских подїйох у вихендових днях

З утакмицами 14. кола першенства тей викенд окончує ше змаганє по ґрупох у АРКУС Суперлиги, а гандбалисти Црвенки у послєднїм колу привитаю Дубочицу з Лесковца. Дуел, окреме особного престижа, нє ма векши такмичарски значай, бо Дубочица будзе далєй змагац ше у ґрупи, котра будзе боєвац за титулу првака, а Црвенка у ґрупи, котра будзе бориц ше за останок у елити. Але, охрабрени победу у Зренянину, гандбалисти Црвенки найавюю победу. Тренер Владимир Зеяк поведа же утакмицу хасную як добру припрему за плей-аут, а од своїх гравцох у дуелу з Дубочицу будзе жадац шицкого брзого тока лопти у нападу и агресивней гри у одбрани, з котрей би мали настац контри и полу-контри, односно такзвани лєгки голи. Утакмица гандбалистох Црвенки и Дубочици з Лесковца будзе одграна завтра у спортскей хали „Слободан Чиле Мишкович“, а зачне о 19 годзини.

У викендових днях покрача и баскетболове першенство. Баскетболїсти Гайдука у 12. коле першенства у Првей сербскей лиги гостюю у Футогу, дзе ше стретаю з истоимену екипу. Тренер Гайдука Данило Борович наглашує же його вибраници до каждей утакмици ступаю з победними амбициями, та так будзе и у Футогу. Хендикеп Гайдука то же у приправним периоду одограл лєм єдну контролю утакмицу, покля остали екипи одограли заостани утакмици и вецей уиграни. У екипи Гайдука у Футогу нє будзе повредзени Уроша Лєшевич, а вшелї остали су здрави и охабени змаганя за бодами. Утакмица баскетболїстох Футога и Гайдука будзе одограна у Футогу завтра, а зачне ше о 19 годзини и 30 минути.

Днї викенда футбалски дружтва хасную на приятельски утакмици, жеби провериц, цо зоз припремами зробене. Србсколигаш Гайдук будзе завтра у Кули хосцовац дружтво Текстилца з Оджакох. Утакмица зачина о 14 годзини. Войводински лигаш Црвенка будзе у нєдзелю хосцовац у Крушчићу, дзе одмера снаги з дружтвом Младосци. Утакмица зачина о 14 годзини и 30 минутох. Подручни лигаш Русин будзе у нєдзелю од 14 годзини на свойим терену у Руским Крстуре хосцовац дружтво Нєгоша з Ловченца. Футбалисти Липара одграю за викенд двоє утакмици. Найперей буду завтра хосцовац у Куцури, дзе од 14 годзини и 30 минутох одмеря снаги з дружтвом Искри, а потом буду у нєдзелю у Липаре о 14 годзини привитац дружтво БСК-а з Бачкого Брестовца. Футбалисти Кули, члєни Сомборскей медзимесней лиги првей класи, у нєдзелю хосцую у Савиним Селу, дзе о 14 годзини одграю утакмицу з Будућносцу. Наш четверти представитель у Сомборскей медзимесней лиги првей класи, сивацки Полет, будзе у нєдзелю о 15 годзини у Сивцу хосцовац дружтво Братства з Пригревици.        

Ђ.Боянич