Најави спортских подїй прейґ викенду

Як ше наближає лїто, спортских подїйох є чим далєй тим менєй, алє на спортских теренох предше будзе занимлїво.

Футбалска сезона за клуби з нашої општини ше ближи ку концу. У предпослєдним 29. колу првенства у Сербскей лиги ґрупа Войводина футболери Гайдука иду на гостованє к Фениксу до Старей Пазови. Куличанє боя ше за статус у Сербскей лиги и кед хоцега захавац муся победзиц дружство Феникса. А то нє будзе лєм так лєгко, бо Феникс є дружство на другим месце у таблици, гра на своїм терену и церка ма ролю фаворита. Куличанє су свесни же заданє є тяжке, алє вєрую же їх мотивация є векша, бо ше боря за опстанок, док горстель нє ма шанси достац лїдерску позицию. И праве та мотивация би могла ришиц. Стретнуце футболерох Феникса и Гайдука у Старей Пазови одогра ше завтра, а почне ше у 17 годзини и 30 минути.

У 28. колє првенства у Сомборскей окружней лиги вше три тиме з нашого општинского обсягу су гости. Футбалери Црвенки, без сумнїви найприятнєйше преначенє пролећней полсезони, зутра гостюю у Пригревици, дзе ше стретаю з тимом Братство. Домаци давна обезпечели титулу чемпиона и поступ до вишого ранґу, а и Црвенка опстанок, та обоє тиме буду грац без якого хтори императиву, цо обецує красне футболове представленє. Зутра на терен виходза и футбалери Липару, хтори у Сомбору одмера сила з ЖАК-ом. Наш третї представител Русин з Русского Керестура у нєдзелю гостує у Гложану, дзе одмери сила з тимом Будучносц. И тоти стречи зачну у 17 годзини и 30 минут.

У 25. колу першенства у Сомборскей медзиопштинскей лиги перши розред найлєгчшу роботу би мали футболисти Младосци, котри у Крушчичу дочекаю найнизше пласираного Граничара з Ридзице. Кула, котра ше ище надзей на пласиранє до вишого рангу, идзе на гостованє предпослєднему Динаму до Бачкого Брега, а найтяжше будзе футболистом сивацкого Полєта, котри идзе на гостованє водячому Гайдуку до Стапара. Тоти змаганя су на програму у нєдзелю, а почну ше у 17 годзини и 30 минути.

Рукометни клуб „Русин“ зоз Руского Керестура будзе у нєдзелю орґанизовац перши Меджинародни турнир у мини-рукомету. На смотри наймладших рукометарох и рукометаркох буду участвовац дванацец дружини. Турнир є меджинародни бо двоє пријавених дружинох приходза з Републики Горватскей, йдзе о дружини з Илока и Славонского Брода. Окрем них, участнїками турнира у мини-рукомету буду дружина з Лазаревца, Бачкого Моноштора, Бачкого Брестовца, Оджака, Крушчича, Словена зоз Руми, червенски клуб «Лаки», Школа рукомету «Растимо» з Нового Саду и, розуми ше, домашнї члени Рукометного клуба «Русин». Дружину у мини-рукомету творя штири игроки и голман, а матч трає дзесяц минути. Перши меджинародни турнир у мини-рукомету у Руском Керестуре будзе у нєдзелю починац у 10 годзини, а свою присутносц на тим змаганю наймладших рукометарох и рукометаркох огласали и запрошени гостє з Рукометного союза Сербиї и Рукометного союза Войводини.

Ђ.Боянич