Оглашка спортских подїй

Претеклих дньох доста смо гварели о утриманю матчу Сомборскей окружней лиги у Црвенки, у котрим фудбалєри Црвенки и Гайдука з Стапара грали неришено 2:2 у стречаню котре траяло 110 минуту и у котрим судия Милош Дражич з Бачкей Паланки показал три червени картони игроком Црвенки, одсудзел пенал за гостох, а службени просториї стадиону у Црвенки по матчу опущел у полицийских колох. Оцена шицких тих дишеньох була и предмет дисциплинского судиї Подручней лиги Сомбор Драгана Марянца, котри принєсол наступни одлуки: Прето слабу организацию матчу и физични напад на судию з боку гледача Фудбалски клуб Црвенка ше кажнює закаром одгри за два матчи на своїм терену. Тиж, прето слабу организацию матчу, Фудбалски клуб Црвенка ше кажнює з дзесяц тисячами динари, прето показани три червени картони ше кажнює з 3 тисячами динари, а прето показаних пейц жовтих картонов Црвенка ше кажнює з 2 и пол тисячами динари. Представител Фудбалского клубу Црвенка Милош Пуача ше кажнює з 5 тисячами динари. Виведзени игроки Неманя Ивич и Душан Зелич ше кажнюю закаром одгри на два матчи, а Любомир Симич на єден матч.

Толїко о тим, цо ше дзешало минулих дньох, а у наставку гвариме о подїях, котри обзнача предстоєци спортски викенд.

Завчера у Црвенки Рукометни клуб „Црвенка“ будзе домацином 23. по шорце Мемориялного рукометного турнира „Слободан Чиле Мишкович“, котри традицийно орґанизує тот клуб на знак споминаня на найлєпшого црвенского рукометаша Слободана Мишковича. Окрем домацина, дружини Црвенки, на „Чилетовим мемориялу“ наступи и лањски победнїк „Кикинда Гриндекс“ з Кикинди, „Пролетер“ з Зренянина и Врбас. Пред зачатком утримань, делегациї клубох учашнїко положа цвеци на гроб легендарного Чилета на црвенским гроблє, а потим у црвенским храму рукомета сили у першим стречаню, котре зачне о 16 годзини и 30 минутох, одмера Кикинда Гриндекс и Врбас. Потоц будзе свечана церемония отвореня турнира, а за отворени го проглаши рукометна легенда Момир Рнич. Од 17 годзини и 45 минутох стретаю ше домацин Црвенка и Пролетер. Поражени у тих стречаньох од 19 годзини сыграю стречанє за треце место, а победнїки полуфиналних стречаньох од 20 годзини и 15 минутох стретаю ше у борби за перше место и пехар за победнїка „Чилетовго“ мемориялу, дар Рукометного союзу Войводини. Орґанизацию 23. мемориялного рукометного турнира „Слободан Чиле Мишкович“ помогли и Спортски центер Општини Кула, а покровитель Општина Кула.

Женски рукометни клуб „Круле“ будзе у нєдзелю у Сивцу домацином другого мемориялного турнира „Ненад Вучинич – Круле“, на памет колишнєго голмана Рукометного клуба „Сивац“ Ненада Вучинича. Попри домацох, екипи Круле, на турниру буду участвовац и екипи Темерина, Апатина и Оджакох. У полуфиналних змаганьох зойду ше, починаюци од 16 годзини, Круле и Оджак, а потом Темерин и Апатин. Преграни екипи буду грац за треце место, а виграшнїки за перше место. Помоц у орґанизациї мемориялного турнира „Ненад Вучинич – Круле“ Рукометному клубу „Круле“ дала Општина Кула.

Фудбалєри Гайдука у 5. коле првенства у Сербскей лиги, ґрупа Войводина, буду гостовац у Панчеве, дзе ше стречу з Динамом. Панчевчани су последнї на табели зоз лєм єдним здобутим бодом, „гайдуки“ граю чим далєй лєпше и нє будзе превецким здивованьом, кед ше до Кули враца зоз поволним резултатом. Стреченє фудбалєрох Динама и Гайдука у Панчеве одогра ше завтра, а зачне ше о 16 годзинох.

Зутра и позутра на програму змецаї 5. кола чемпіонату у Сомборскей окружней лїги. Два нашо дружтва виходза на терен зутра: Црвенка иде гостовац до Твердзави, дружтва зоз заднього места у табели, до Бача. Гоч буду наступиц без трьох стандартних перших игрокох, котри су наказани по попереднїм змецаю з Гайдуком з Стапара, у табору Црвенки су оптимисти и найавю победу у Бачу. Футболери Русина з Руского Керестура зутра гостую у Сомбору, дзе змецаю ЖАК. Наш третий представитель у Сомборскей окружней лїги, ведуци Липар, у нєдзелю на своїм терену прийма дружтво Борца з Бачкого Грачаца. Липарчанє одлучени продовжиц победни ряд. Вше тоти найавени змецаї зачинаю о 16 годзини.

Пейце коло превенства у Сомборскей медзиопштинскей лиги перши розряд означи општинска дерби. У Сивцу стречу ше Полет и Младосц з Крушчица. Сивчани фаворити. Кула на Гедеру дочекує Телечку, котра на послєднїм месте. Тоти стречи су на програму у нєдзелю, а зачну ше о 16 годзини.

Ђ.Боянич