Оглашка спортских подїй

Спортски вивенд за клуби зоз нашої општини зачина вечар, кед у першого кола баскетболового шампионату Републичней лїґи Србиї – ґрупа Войводина баскетболери Гайдука дочекаю Нову Пазову. У премиєрним матчу Куляни очекую победу. Оптимизм основую на факту же посилели дружтво у одношеню на предходну сезону, бо пришли Богдановић, Гаговић, Шиник и Стевановић. Самозрозумлїво, єден зоз поводох за оптимизм и то же граю пред своїма прихильнїками, зоз чийов подшивков лєгчей дойду до жадного тримуфу. Матч баскетболерох Гайдука и Новей Пазови будзе у хали Основней школи „Петефи бриґада“ вечар зачнуц о 18 годзини.

Кед йдзе о гандбалу, вивендови буду активни наши члени Супер Б лїґи, гандбалери Црвенки и Сивца. У третей коле шампионату Црвенка гостує у Беоґраде, дзе ше стрета з новачком у лїґи, дружтвом Лавови. Гандбалери Црвенки добре отворели сезону, у двох претходних колох здобули три бодзи и на крилах того успиху з оптимизмом иду до Беоґраду. Тренер Црвенки Владимир Зејак истакує же дружтво Лавови шор искусних храчох котри знају храц, што показали победу над Врбасом у минулей коле як гостї, та же його вибраним предстоји тяжки матч. Но, кед гандбалером Црвенки подари наметнуц свой ритм и одграц обрану так як знају, теди нєт боязни о конечни вислїдок. Лавови и Црвенка свой матч одграю заутра у Беоґраде, а двобой зачне о 19 годзини и 30 минутох. Наш другий суперлїґаш Сивац 69 мал у третей коле буц гостём Апатину. Но, зоз оглядом на роботи у спортскей хали у Апатину, дружтва заменєли домацинства и силки одмера у Сивцу. И Сивац 69 и Апатин у перших двох колох нє здобули анї єдного бода, што указує же у медзисобним двобою буду хцеци одкупиц ше за початни промашаї. Тренер гандбалерох Сивца Бранко Жежељ истакує же очекує неизвесни двобой, бо дружтва ше добре знаю, алє, зоз подзяку заєднїчаром за дотерашню подшивку, верї же вони буду тим язичком на ваги котри допринєше же сивачски „пантери“ упишу перши бодзи. Матч гандбалерох Сивца и Апатину будзе одграни заутра у сивачскей спортскей хали, а зачне о 19 годзини.

Футбалїсти Гайдука у 8. коле чемпионату у Србскей лїґи ґрупа Войводина дочекаю дружину Раднички 1912 з Сомбора. Доста повесц же Сомборци водяча дружина на таблици, та би було ясно яку тяжку задачу пред собу маю футбалїсти Гайдука. Но, уважаюци квалитети супернїка, футбалїсти Гайдука гуторя же даду свойо максимум, а за коґо то будзе доста, видзе ше по последнїм судийским звиждку. Зустрит футбалїстох Гайдука и Радничкого з Сомбора будзе одограни завтра на стадиону „Милан Среданович“ у Кули, а зачне ше о 15 годзини и 30 минути.

У осмим колу першенства у Сомборскей окружней лиги ведуци Липар у нєдзелю идзе на гостованє к дружтву Будучносц у Параге. Липарчани у предходних сем колох нє зна за поразку и ришени шмедльовосц нєпобедимосци продовжиц и у Парагох. Червенка будзе завтра домацином Борцу з Обровца. Кедз терен у Червенки суспендовани, то змаганє одограю у Раткову, алє наперек тому же нє будзе очекованей подшорки з трибун, футболери Червенки твердза же су квалитетнєйша дружина и же здобуду вигру. Наш треци представител у Окружней лиги, Русин у Руским Керестуре, у нєдзелю дочека Тврдяву з Бача, ришени одкупиц ше за предходнонєдзельну поразку. Вшицки тоту змаганя зачну ше у 15 годзини и 30 минути.

Од трох наших представнїкох у Сомборскей медзиобщинскей лиги перши клас у осмим колу првенства лєм футбалери Кули граю дома. На своїм терену на Гедеру Кула будзе домацин дружини Раднички з Сомбора. Кед вежмеме до уваги же Куляни друга дружина на таблици и же граю пред своїма прихильнїками, реално очековац победу домашнїх. Треце класирани Полет з Сивца иде на гостованє к Омладинцу до Буковца, а Младосц з Крушчича будзе гостом Омладинца у Деронях. Тоти змаганя на програму у нєдзелю, а зачну ше о 15 годзини и 30 минути.

Кегляри Гайдука у штвартим коле чемпионату у Першей лїґи Сербиї – ґрупа Войводина идза на гостованє до Кляїчева. Тото кеглярске змаганє на програме завтра, а зачне ше о 11 годзини.

Ђ.Боянич