Оглашенє на предстояци спортски викенд

Предстоєци спортски викенд обелєжи дерби шестого кола кошаркарского першенства у Републичней лиги Србиї, ґрупа север, дзе у Кули зиду ше Гайдук и Джокер з Сомбора. Предстоји зраженє екипох котри у дотерашнїх пейцох колох першенства здобули по пейц побед и по дербию єдна з нїх упише першу поразку. Тренер кошаркарох Гайдука Данило Боович истиче же сусрит з Джокером єден з найважнєйших у сезони, бо к нїм приходзи екипа котра планована за Першу лигу Србиї. Ище нє знане чи Иван Джурович, єден з найлєпших стрельцох екипи, будзе у тиме Гайдука. Робя ше напори же би бул способни за сусрит. Як и бу, „гайдуци“ истичу же нє уступя и волаю навиячох же би пришли у чим вецей числу и з своїм навияньом им помогли здобуц и шести успих. Сусрит кошкарох Гайдука и Джокера з Сомбора будзе у хали Основней школи „Петефи бригада“ одограни у нєдзелю, а зачне ше у 19 годзини.

Зоз ЕХФ тижньом, тоти викенд не граю найлєпши гандбалски екипи, та гандбалари зивецкого Сивца и Црвенки буду одпочивац, алє будзе гандбала, того першолигашского, бо на дїло пойду гандбалерки. У 7. коле першенства у Першей лиги за женщини екипа „Круле“ зивецкого Сивца пред своїма прихильниками будзе гостиц екипу Раванграда з Сомбора. Окрилєни победу котру у предходним коле здобули на гостованю, членки екипи „Круле“ истичу же ше буду шицко старац, жебы тот успих потвердзиц проти Раванграда. Сусрит Круле – Раванград з Сомбора буде у Сивцу одограни у нєдзелю, а зачне ше у 18 годзини. Наш другий представитель у Першей лиги, црвенска екипа Лаки мали бути домаци екипи Темерин. Но, кедзи роботи у црвенскей хали, домацинство заменєне, та сусрит будзе одограни у Темерину, завтра од 19 годзини и 30 минут.

У 13. колу првенства у Србскей лїґи ґрупа Войводина футбалери Гайдука гостую у Оџаках, дзе змеря сили з Текстилцом. Оџачани на горнїм концу табели, з амбициями включиц ше до бою за поступованє до вишого ранґу, граю на своїм терену и сигурно фаворити. Гайдук, пак, оптерени проблемами з грачским кадром, ани у Оџаках нє будзе мож здограц з найквалитетнєйшим составом, та без огляду на то Куляни гваря же даю вшадко зо себе, жебы фавориту помотали плани. Стреч футбалерох Текстилца и Гайдука у Оџаках одограю завтра, зоз початком о 13 годзини.

У 13. коле првенства у Сомборскей подручней лїґи гевше три екипи з нашого општинского обводку су домашнї. Найцяжей є Црвенки, хтора пред своїма прихильниками прицекує ведущого Братства з Приґревици. Тот утримок будзе одограни утре на стадиону „Милорад Джомба“. У нєдзелю Русин у Русским Крстуре прицекує екипу Будучносци з Гложана, з намиру одкупиц за пораз у Параґох, док Липар на своїм терену прицекує екипу ЖАКа з Сомбора. Липарчани нанизали пейц послїдуюцих победох, граю пред своїма фанушами, та є розумице же найавю и шести успих. Тоти утримки зачну у 13 годзини.

У 12. колу першенства у Сомборскей медзиопштинскей лиги першого розряду другопоставена Кула на Гедеру прийма дружтво Динама з Бачкого Брега, твердо ришена, же з виграшом останє у змаганю за титулу ярнього шемпиона. У тих напохох може єй помоц Полет з Сивца, котри пред своїма фанушиками прийма терашнєго водзецого Гайдука з Стапара. Наш треци представител, Младосц з Крушчића, гласка Граничарови до Ридзицe. И тоти змаганя у нєдзелю зачну о 13 годзини.

У седмим колу першенства у Футсал лиги Войводини Клуб малей копачки Гайдук гласка к водзецому Спартаку до Суботици. Дуель футсалистох Спартака и Гайдука у Суботици одгри ше у нєдзелю, а зачне о 20 годзини.

На предстоєци викенд на програму є штварте коло одбойкарского першенства. Одбойкари Гайдука у першенстве Другей лиги Србиї гостую у Шидзе дзе ше одмеря сили з екипом Вест. Тренер одбойкарох Милорад Лазич поручує же у тим сусрите його вибраници буду глєдац перши друголигашки бодзи. Одбойкарски сусрит Вест – Гайдук будзе у Шидзе одограни у нєдзелю, а зачне ше у 19 годзини. Одбойкарки Гайдука у штвартим коле першенства у Першей войводинскей лиги пригашую екипу Бечея. Окрилєни победу котру уписали у предходним коле, одбойкарки Гайдука поручую же використаю предносц домашнього терену и буду славиц. Сусрит одбойкарок Гайдука и Бечея будзе у хали Основней школи „Петефи бригада“ одограни завтра, а зачне ше у 17 годзини.

Куляши Гайдука у шедмим коле првенства у Првей войводинскей лїґи гостую у Кляичеву, дзе у нєдзелю од 11 годзини одограю утримок з домашнїма, екипом Кляичева.

Ђ.Боянич