Конець першого полугодия 18. децембра

За усогласованє з мерами предписаними Нарядком о мерах за предхранє и сузбиванє заразней хороти Ковид-19, покраїнски секретар за образованє, прописи, управу и национални меншини-национални заєднїци прилапал правилнїки о змени и дополнєню школского календари за основни и штреднї школи зоз седзиском на териториї Автономней Покраїни Войводини.

З тима пременами планує ше же перши штвртрок окончи 18. децембра, та зимски одпочинок заче у истим часе за школярох у Войводини и остатней Сербиї. Школяри ше врацаю до школских лавкох 18. януара. Школски рок за осмаки заместо 4. юна окончує ше 8. юна. Школяри од першого по седми розред буду ходзиц до школи по 22. юна, а нє як ше предвидзовало ранїшим календаром, по 18. юна.

За матурантох гимназий наставу место 21. мая завершує ше 25. мая, а за школярох трирочних и штирирочних штреднїх стручних школ 1. юна место 28. мая.

Днєвнїк