Баскетбалери и рукометари без присуства публики

Гоч пандемия корона вируса мала утицок и на спортски подїї, пред нами є занимлївий спортски викенд.

Отворя го вечар баскетбалисти Гайдука, котри у 18. коле першенства у Првей Сербскей лиги гостую у Новим Бечею, дзе ше стретаю з Єдинством. Домашнїм бодзи потрeбни у бою за останок, Куляни су без старостей, можу грац без притиску, а з такей гри часто приходзи и добри резултат. Дуел баскетбалистох Єдинства и Гайдука будзе вечар у Новим Бечею зачинац у 19 годзини, а зоз оглядом на пандемию корона вируса будзе ше грац без присуства публики.

Публика нє будзе моц присуствовац ani на гандбалских утримкох Суперлиги.

У 14. колу першенства у Супер Б лиги рукометаши Црвенки дочекую Мачву з Богатича. Гости су водеца дружина на таблїци, а Црвенчани, силно охрабрени виграньом проти Сивца у предходним колу, оглашую же, и покля нє буду мац подопору з трибини, на крилах сивацкого успиху виграю. Зустрит рукометашох Црвенки и Мачви з Богатича у спортовей хали „Слободан Чиле Мишкович“ будзе одограни заутра, а зачне ше у 19 годзини.

Наш други суперлигаш Сивац 69 у 14. колу првенства идзе на гостованє к Вождовцу до Београду. Домацин ше грчевито бори за опстанок, та дуел проти нєго покаже чи ше рукометари Сивца, котри без сумнїва квалитетнєйши од Вождовца, опоравели од поразу котри записали на свойом терену. Стрет рукометарох Вождовца и Сивца у Београду буде одграни завтра, а зачисне о 21 годзини.

На розлику од спортских дисциплин у спортских сальох, на хтори публика нє будзе моц присуствовац, на спортских подїйох под голим небом, а таким є фудбал, гледацели буду моц присуствовац.

Футбалери Гайдука у 17. колу першенства у Сербскей лиги ґрупа Войводина гостую у Суботици дзе ше стретаю з Бачку. Кед судзици подла положеня дружтвох на таблици, Бачка є фаворит, бо є друга на таблици, док Куляни су предпошлї и пред нїма є бой за останок медзи сербсколигашами. Дуел футбалеров Бачки и Гайдука будзе у Суботици одограни завтра, а зачне ше у 14 годзини и 30 минути.

Ђ.Боянич