Канцелария за локални розвой у служби ґражданох

Канцелария за локални економски розвой вельо роки служи гражданом у питаньох конкурсоx, котри розписує Министерство хлївопроизводства и Покраїнски секретарият за хлївопроизводство. Милош Данилов, шеф Канцелариї за локални економски розвой, поведа же у тим моменте розписани вельо конкурси, розподзелєни до двох явних позивох — за сточарску и биљну продукцию. Тоти конкурси, розписани од надлежного Министерства, отворени су до 28.02.2022.

Кед ше одноши на републични конкурси, регистровани газдинства конкурую з уж купену опрему, прилажуюци рахунки з датумом од януара 2021. року по датум конкурованя. Покраїна розписала вецей як дзесят конкурсох, котри обнимаю механику, опрему, пластенїки, завожованє, противградни мрежи и защиту од погодних непогодох. Данилов наводзи же при конкурсох, котри розписала Покраїна, мож конкуровац и з предрахунками и з рахунками од першого януара того року по дзень конкурсу. Тоти конкурси отворени по 18. фебруара того року. Єден з актуалних конкурсох намєрени на подршку и субвенциї младим польопривреднїком, хтори актуални по 4.03.2022 и подразумева врацанє по 90%. Данилов подчеркнул же конкурси обнимаю врацанє у висотє од 50% по 90%.

Што ше тичи конкурсох Националней служби за запошлєнє, тераз актуални Явни позиви за самозапошлєнє, за запошлєнє и за роботодавцох хтори хочу провести обуку. У стреду у Малым сали Општини Кула будзе оддржана презентация, на хторей ше вшелїм заинтерсованим приблїжа ови конкурси и дзе достану одвити и смеровнїки звязани з тим видом конкурсу.

Активни инклузивни сервис општини Кула реализує ше у сполєдованю з партнерми МНРО «Плава птица» и Центром за социялни роботу и розуми обезпечованє станованя и економске посилйованє особи з инвалидитетом, младицох хтори виходза з системи хранїцельства, жени хтори су жертви насилства и бiдних фамилийох. З тим проєктом ше обезпечи шеснац фамилийох. Тот проєкт будзе траяц до 15. октобра.

Цели текст конкурсу можете пречитац