Йована Йовович наймладша дебитанка за Сербию
Виросток далєко знаней црвеначкей гандбаловей школи Йована Йовович уписала своє мено до историї сербского гандбалу, бо стала наймладшу дебитантку у дресу репрезентациї Сербиї на великих змаганьох. Йована Йовови
Виросток далєко знаней рукометней школи з Црвенки Йована Йовович записала своє мено до историї сербского рукомету, бо стала наймладшою дебитанткиньом у дресу репрезентациї Сербиї на вельких змаганьох. Йована Йовович за репрезентацию Сербиї на вельких змаганьох дебитовала у стречи проти Анголи, одограной у суботу у рамкох Светового першенства у Япону. Будуци же днєска наполнї 18 роки, Йована за репрезентацию дебитовала у возрасти 17 роки, єднацерац месеци и 26 днї, и так перевалала Драгану Цвийич, котра на Европским першенстве у Македониї 2008. року дебитовала у возрасти 18 роки и 8 месеци.
-Тото велїка чест за мене. Дзекуєм ше стручней штабу же ми указала прилику буц часцу нашого тиму на Свитским пренству. Надумам же ше доброго покажем и хаснуєм прилику – повагала Йововичова за сайт Гандбалского союзу Сербиї и додала же селектор, тренери и дзивчата ми вельо помагаю, робя же немам трему и же нє цуїм вельки тиск, та же у такей екипи лєгко буц наймладшим.
Йована Йовович зачала треновац рукомет з 11 роками у Рукометним клубу „Лаки“ и тренерску азбуку научела од познатого тренера Милорада Лаїча. Тераз є члєнка мадярского клубу „Дунауйварош“.
Ђ.Боянич
