Явни позив за подаванє програму за финансованє спортских манїфестаций у општини Кула

До 15. юния заинтересовани спортски орґанизациї можу ше приголосиц на Явни позив за поданє програми за финансованє спортских манїфестаций у општини Кула и програми финансовани зоз самодоприносу у 2017. року, хтори розписал председатель општини Перица Видекањић.

Предмет позиву є придзелованє финансийних средствох за реализацию програмох з котрима ше остварює общи интерес у области спорту, и то: орґанизованє спортских манїфестаций у општини Кула и финансованє програмох зоз средствох самодоприноса, котре ше провадзи на основи квалитету понудзених програмох.

Укупна сума финансийних средствох, котри ше розподелї по тим явним поволаню за финансованє програму организациї спортских манифестацийох у општини Кула, виноши максимално 2.000.000,00 динари.

Вкупна сума финансийних средствох, котра будзе розпорядзена на основу того явного позиву за финансованє програмох зоз самодопринoса, максимално будзе 830.000,00 динари. Финансийни средства ше доделюю спортовим орґанизациом з териториї населєного места, у котрим заведена обовязка плаценя самодоприноса у складзе з одлуками о заведованю самодоприноса. Та у Месней заєднїци Руски Керестур будзе подзелєне 730, а у Месней заєднїци Липар 100 тисяч динари; тоти средства назначени на финансованє коштох набавки спортовей опреми и финансованє програмох и проєктох, за котри нє були схвалєни средства по явним позиву за финансованє каждодзенних змаґательских активносцох и по позиву за финансованє окремних програмских активносцох спортових орґанизаций – спортових манифестаций.

Предкладанє програми можу подац териториални спортски союз за своїх членох и спортска орґанизация (клуби и др. спортски орґанизациї) самостойно або здружено з другими орґанизациями у области спорту.

Приява ше предава у писарнїци Општини Кула 15. юна до 14 годзини у затвореней коверти на адресу: Општинска управа Кула, ул. Лењинова бр. 11, зоз назнаку: „НЕ ОТВАРАЦ“ — приява програми за организованє спортских манифестацийох — Комисиї за розпатранє програмох, з котрима ше остварює общи интерес у области спорту у општини Кула.