Хронїка спортового викенду

Минувши спортови викенд обелєжел конєц кошаркарскей сезони, як и вигра футболєрох Кули, з якую ше вернули на лидерску позицию

Футболери Гайдука у стрете 22. кола чемпионату Сербскей лїґи, войводинска ґрупа, на гостованю у Сакуле програли домацим Борцу з 3:1, полчас 1:1. Як и у нєшкакотрих предходних стречох, футболери Гайдука и у Сакуле добрe отворели стрет, и уж у єденадцетим минуте, по отличним центаршуце Плавшича, Влаисавлєвич привел Гайдук до предносци. Но радосц Кулянох нє трвала довго, бо уж у штирнацетим минуте Борац випатал уравнац, а з 1:1 ше шло на одпочинок. У другим полчасе екипа Борца у 60. минуте приходзи до предносци од 2:1. Потим наступели покушаня футболерох Гайдука же би уравнали, ал им то нє удац, а у додатним часе футболери Борца дали треци гол за конєчних 3:1. По гостованю у Сакуле Гайдук чтирнаци на таблїци з 21 бодом, а у наступней коле, котра на програму у стреду, пред своїма фанушами витує на остатнїм месте Кикинду.

Од трох представнїкох з нашого обецтва у Сомборскей окружней лиги у 22. колу првенства победали фудбалєри Липара, котри на своїм терену здолали дружину Борца з Обровца з 2:0. О ришеню победнїка ришело ше у першым полочасу, кед нападнїк Липара Марчетич з двома голами, у 10. и 23. минуту, як ше на концу указало, поставел конєчни резултат. Фудбалєри Црвенки пред своїма фанушиками з Радничким з Раткова грали нєрoвно 2:2. У першым полочасу фудбалєри Црвенки нє хасновали кельо вичитних шанцох, та гости их у другим полочасу за тоти промашки покарали и повели з автоголом Йована Суботича. Црвенчани ше нє предавали и як плод офензивней гри пришли голи: найпрвей Йованович вирунал на 1:1, а потом найлєпши гравaч Црвенки Чвокич дал предносц свойому тимови. Но, по одклизнуцу оборонного гравaча Црвенки гости постигли други гол за конєчних Црвенка – Раднички 2:2. Наш треци представнїк, Русин з Русского Крстура, у дербию кола, котре ше грало у Сомбору, програл од ЖАК-а з 3:2 и значно зменшал шанци же би зоз евентуалним освоєньом другого места через бараж дошол до вишого ранґу. Обидва голи за Русин постигнул Саянкович. Крстурчани су тераз штварти на таблици з 43 бодами, Липар єдинадцати з 27, а Црвенка тринадцата з 23 бодами. У наступним колу Русин у Руским Крстуре виту Стару Будучносц з Младенова, Црвенка виту дружину Радничкого з Сомбора, а Липар пойдзе гостём до Борца у Бачким Грачцу.

У општинским дербию одограним у рамикох 19. кола першенства у Сомборскей медзиопштинскей лиги першого розряду футболєри Кули на Гедеру победзели дружтво Полет зо Сивца з 1:0. Побидни гол забил Срджан Бортник у 75. минуте, а виграш Кули тим вецей значни бо их врацел на чельну позицию на табели.

Наш треци представнїк у Сомборскей медзиопштинскей лиги, перши розряд, Младосц з Крушчичу на гостованю у Бачким Брегу победзела дружину Динама з 5:3. Крушчичани водзели 3:1, домашнї успели вирівнац, алє то нє деморализовало футбалерох Младосци, котри после вирівнаня забили ище два голи за победу з 5:3. Двойни стрелци за Младосц були Ґрдинїч и Головати, а єден гол забил Ґачевич. Кула перша на табели з 40 бодами, Полет шести з 29, а Младосц осма з 20. У приходним колу Кула идзе гостям до Алекси Шантича, Полет у Сивцу дочека Динамо з Бачкого Брегу, а Младосц будзе у Крушчичу ґосциц ОФК Оджаки.

Кошаркаре Гайдука победу окончили сезону. У осмим колу плей-офу у Првей регионалней лиги Сербиї кошаркаре Гайдука пред своїма присталцами победзели Железничара з Инђиї зоз 74: 60, полочас 38:24. То була осма послєдова победа кошаркарох Гайдука у плей-офу, котра им донєсла другу позицию на таблї. З победу бул задоволєни тренер кошаркарох Гайдука Данило Борович…

У спортскей хроници нас лєдую рукометни актуалносци.

Кедземе обовязкох репрезентациї Сербиї, суперлигашкого гандбалу нє було, алє гандбалистки були активни.

У 19. колу првенства у Првей лиги за женски обидва клуби з нашого обецтва булє домацини. Женски рукометни клуб Круле у Сивцу привитал другопоставеного на таблици, дружину Темерин, котра указала свою класу и победала домацих з 35:24. Темеринки обезпечели победу уж по першом полочасу, котре закончели у свою корист з 19:11. Найефективнаша у дружини Круле була Александра Єленкович з 8 голами. Наш другий прволїгаш, црвеначки Лаки, пред своїма фанушиками победал Ябуку з 20:19, полочас 11:10 за Ябуку. Змицканє було вирунане, грало ше гол за голом, а у 54. минуту домашнї рукометарки одскочели на три голи предносци, повели з 20:17 и на концу успели славиц. Найефективнаша у дружини Лаки була Мария Ивич з 7 постигнутих голох. По деветнацох колох Круле є седме на таблици з 15, а Лаки єдинадцате з 10 бодами. У наступним колу Круле пойдзе гостём до Ябуки, а Лаки у Србскей Црнї одмера сили з дружину Младосци.

Ђ.Боянич