Гайдук Юниор успишнєйши у општинским дерби, Липар забил аж сем

Футболни дружини з кулского општинского окруженя, котри змагаю у Сомборскей окружней лиги, вчора одограли такзвану генеральну пробу, кедземе на то, же змаганє за боди им зачина наступни викенд. На Гедеру у городским дерби мерели сили новачок Окружней лиги Кула и Гайдук юниор. Виграл Гайдук юниор з 3:2. Голи за Кулу здобули Кукол и Войнович, а за Гайдук юниор Давидович два и Кулич. У Руским Керестуре Русин вчора витал другого новачка Окружней лиги, дружину Црвенки, и записал победу з 2:1. Голи за Русин здобули Орос и Кочиш, а за Црвенку Фацол. У Липару стречели ше Липар и Младосц з Крушчића. Виграли Липарчани з 7:0, алє треба спомнуц и факт, же Крушчичани пришли у комбиновaним складзе. Чемпионат у Сомборскей окружней лиги зачина наступни викенд, а означи го два општински дерби: у суботу у Црвенки стреча ше Црвенка и Младосц з Крушчића, а у нєдзелю у Липару Липар и Гайдук юниор. Русин з Руского Керестура буде у суботу у Товаришеву грац проти Войводини, а Кула буде у нєдзелю у Бачкей Паланки грац з Старим городом.

Прето нєповолнїм погодним приликом прек викенд нє грани матчи на традиционалним ночним турниру у малим футболу, котри ше нєшка гра у Липару у рамикох обелєжованя селскей слави Велика Госпойина. Турнир будзе покрацовани вечар, а зиграю ше Мали аграр – ПС Сонар, Мали Београд – Автодзели Ферари, Аграр промет – МС комерц и Агро Вишкович – Лимар Мандич. Матчи буду одограни на терену основней школи Никола Тесла, перши зачина у 20 годзини, и спомнїме и то же наградни фонд Великогоспойинского турнира у Липару 180 тисяч динари.

Ђ.Боянич