Футболна панорама: Червенчани на крок од Подручней лиги

Футболере Червенки у першей стречи баража за поступованє до Сомборскей подручней лиги у Парагама перемогли дружину Будучносци з 1:0. Гол ришеня дал искушени Предраг Кишюхаш. Червенчани так здобули красну предносц пред одвратну стречу, котра у Червенки будзе одограна у соботу 10. юна. З оглядом на факт же вибранїки Милана Вуяковича перемогли на гостованю и же у одвратней стречи буду мац предносц домашнього терену, можна очековац же футболере Червенки поступя до Сомборскей подручней лиги.

А праве вчора одограно послїднє коло првенства у Сомборскей обласней лиги. У општинским дерби одограним у Кули Гайдук јуниор побидзел екипу Русина з Руского Керестура з 4:1, полчас 0:0. Голи за Гайдук јуниор дали Дрплянїн, Вујмилович, Бранко Янич и Данойович з єднастерца, а почесни гол за екипу Русина дал Павлович, з єднастерца.

Липар на своїм терену победал Славию з Пивниц з 4:1, док Полет у Сивцу з Борцом з Бачкого Грачца грал нєришено 1:1, чим значно помогнул футболистом Младосци з Крушчича, жеби заховали статус подручнолигаша. Крушчичани ту помоц хасновали, бо на своїм терену витали екипу ЖАК-а з Сомбора, котра утракованє зачала з 8 гравцох, а при резултату 4:0 за Младосц, у 35. минуте ше гравец ЖАК-а поранил, а кед гости нє мали замену, утракованє мусело ше перервац. Так Младосц уписала три точки, а з ремизом у Сивцу Борац «ошкодзени» о дви точки, та Крушчичани го прешли на табелї и так остали у Подручней лиги. Хайдук младши законил сезону на штвартим месце на табелї з 45 здобутих точок, Русин шести з 41, Липар єденадцети з 38, Млалдост штирнадцета з 33, а сивацки Полет, нажалосц, послїднї з 17 точками и у наслядуюцей сезони будзе змагац у Сомборскей медзиопштинскей лиги перши клас.        

Ђ.Боянич