Футболери Црвенки ше приправяю на наслядуюцу сезону

Фудбалери Црвенки, члени Войводянскей лиги, северней ґрупи, зачали припреми на насампреду сезону пред тижньом. Шеф стручней штаби Живко Йованович и його помоцнїк Горан Полетанович зробели прозивку гравцох, а перших 4-5 дньох роботy позначел слабши одзив гравцох, кед на тренованє приходзело по шейсц-седем. Подля слов тренера Йовановича, ситуация тераз нормализована, на тренованьох є 17-18 гравцох и мож нормално робиц. Окрем плана роботи, фудбалери Црвенки одробя циле припреми у своїм месце, а плановани и веци число утакмицох, цо буде завшец и од епидемиолоґийскей ситуациї, бо здравє найважнєйше. У поглядзе гравецкого кадра тренери Йованович и Полетанович маю на розположеню вецину гравцох, котри и у предходней сезониї обраняли барви Црвенки. Нєясносц є зо Шакичом, Бошковичом и Бабичом, о котрих заинтерешовани други клуби. Реди Црвенки посилил искуствени Душан Зелич, фудбалер, котри обранял барви суперлиґаша Гайдука з Кули, потом грал у новосадским Пролетере, а часц карєри страцел у иностранстве, та у Црвенки оцени, же гравецке искуство Зелича будзе значне. Планує ше привесц ище 2-3 посиленьох, та то буду млади гравци, бо план клюбского руководства, а и струки, же у припремним периодзе сформує ше стабилне дружство з младих гравцох, бо, окрем опстанку, превасходни циль у насампреду сезониї афирмация младих гравцох, котри виросли у црвенковей фудбаловей школи.

Ђ.Боянич