Днес ше обелєжује Медзинародни дзень людских правох

Зєдинєни народи 10. децембра 1948. року прияли Универзалну декларацию о людских правах, у котрей ше наглашує же тоти права универзални и же нє завиша од националней, державней, идеолоґийней, социялней и културней припадносци. Тим документом ше охранюю граждански, политични, економски, социялни и културни свободи и права чловека – од права на живот и свободу по права на достойнство, приватносц, социялну сигурносц и здружованє. Председатель општини Кула, Дамян Милянич, честитал жительком и жительом општини Кула Медзинародни дзень людских прав. У честитаню ше гвари:

„Право каждой особи же нє будзе дискриминована и же будзе равноправна. Кед стремиме модерному и розвинутому дружтву, теди вше гражданє и гражданки муша буц признати як равноправни члени нашого дружтва, равноправно остварйовац вше свої права и мац єднаки можлївосци на роботу и розвой. Будземе настойовац, жеби каждому дзеци и чоловекови обезпечели тоти исте права, алє и єднаки шанси на успих и живот.“

Честитам шицким жительком и жительом општини Кула Медзинародни дзень людских прав.