День Новей Црвенки будзе означени 15. септембра

Житеľо Новей Црвенки и їх гостї буду у четвер, 15. септембра славиц Дзень того места. Гостї и домаци ше у четвер зберу пред памятнїком у центру валалу од 11 годзини и 30 минути, же би у 12 годзини положели венци на Памятнїк солунским добровольцом и так спомянули учаснїкох у войнох за освобадзенє од 1912 по 1918. року. По привитаних словох од 12:45 годзини будзе културно-уметнїцки програм на бинї у центру валалу, по котрим будзе приправени обид у реновованим Клубу пензионерох за вшелїких гостїх слави Дня Новей Црвенки. Обелєжованє Дня Новей Црвенки закончела концертом за младих, котри зачне у 19 годзини.

Припомнїме, же исти дзень Сербия и Република Српска обелєжую совместни празнїк – Дзень сербского єдинства, свободи и националней застави. Тот датум, 15. септембер, вибрани зоз оглядом на то же на тот дзень 1918. року пробити Солунски фронт. Зоз тим поводом у вшелїких општинох у Сербиї и Републики Српскей на явних местох и будинкох орґанох явней власци видлїво буду виставени Народна и Державна застава Републики Сербиї. Празнїк, котри символизує єдинство сербского народу, буду совместно обелєжовац у Сербиї и Републики Српскей, як и у вшелїких местох широм света, дзе Серби жию.