Црвенка записала перши бод

Футбалери Гайдука здобули и другу победу у першенстве Србскей лиги ґрупа Войводина. Куляни пред своїми навиячами перемогли Бачку зоз Суботици зоз 3:2, у утакмици хтора могла задовольнїц и найвибирливейших гледачох. Футбалери Гайдука уж у двацатим минуту мали два голи предносци, бо млади Ілия Йованович и искусни Слободан Вукович успели перемогнуц противнїцкого голмана. Але футбалери Бачки ше нє предавали и на початку другого полувремена пришли до вирунованя. Напрек тому, футбалери Гайдука психично нє поклєкли, и по оправдано присудзеним пеналу Ілия Тутнєвич з точним ударом з „билей точки“ принєсол другу победу своїй дружини.

Тренер Гайдука є преситий з двома победами у двох дербиох и здобутих шейсц бодох. Він загодзовал усїм людзом у клубу, котри заслушни за то же „Гайдук“ блищи, наглашуюци же гравцом нє ма што виткнуц и додаваюци же гордий на свої хлопци, котри каждє коло оставяю серце и душу на терену.

Футбалери Црвенки у другим коле першенства у Войводянскей лиги ґрупа север уписали перши бод. Змаганяри тренера Милана Вуяковича на своїм терену з Байшом грали неришено 1:1. Црвенчани zachранєвали бод, бо футбалери Байши першу часц стречи ришели у свою корист. Но, млади Лука Костич у 60. минуте забил гол, а кед резултат до конца стречи остаł нєзмєнєни, Црвенка и Байша подзелїли бод. Футбалери Црвенки по двох колох першенства дванадцати з єдним бодом, а у наступним коле одходза на гостёванє к екипи „Крила Країни“ у Бачкей Паланки.

И футболери Русина з Руского Крстура здобули перши бод. Крстурчани у другим колу првенства у Сомборскей околишней лиги, на гостованю у Парагах з домашнїма, дружину Будучносци, грали неришено 1:1. Футболери Русина вели голом Бояна Бранковича, аж у 93. минуте судия присудзел пенал за домашнїх, зоз якого дружина Будучносци вирунала и так Русинови „одбила“ уж видзенихще два боди. По другім колу Русин є дванадцати на таблици з єдним бодом, а у третим колу у Руским Крстуре дочека дружину Полет з Каравукова.

Друге коло першенства у Сомборскей медзиопштинскей лиги першого ранґу обелєжело општинске дерби, котре одогране у Кули, на Гедеру, а у котрим футболери Кули и Полета з Сивца грали нєрешено 1:1. Сивчани поведли у 48. минуту голом искушного Радомира Ромича, а ветеран Джордже Букеёлич десец минут пред концом принєсол Кули виравнанє. Младосц у Крушчичу победала тим Дунава з Бачкого Моноштора з 2:0, а оба голи стрилив Милош Рабренович. Четверти наш представител у тим ранґу змаганя, футболери Липара, на гостованю у Свилойову програли домацому Теркевешу з 2:0. Кула и Полет су моментално штварти и пейти на таблици з по штири бодами, док Липар шести, а Младосц десята з по три бодами. У трецим колу першенства нове општинске дерби: у Сивцу ше стрета Полет и Младосц з Крушчича, Липар дочека Партизана з Купусини, а Кула иде гостєм Задругару у Сербски Милетич.

Ђ.Боянич