Црвенка - Липар 6:2

Вчера одогране седме коло першенства у Сомборскей окружней лиги, а обелєжил го општински дерби одограни у Червенки, у котрим футболери Червенки побили Липар з 6:2, полчас 3:1. Червенка була значно лєпша, а треба зазначиц и факт же Липар виступел ослабени без Шеґана, Карина и Ковача, трох штандартних першотимцох. Голї за Червенку дали капитан Суботич, котри дал два голї, и Йован Радманович, Илич, Фачол и Керекеш, а голї за Липар дали Банович и Мийич. Футболери Гайдук јуниора на гостованю у Бачкей Паланки з дружтвом Крила Крајине грали нерешено 1:1. Домачнї водзели, та у финишу стречи Куляни з голом капитана Даноєвича з оправдано присудзеного пеналу дошли до бода. Найвекше препадзенє седмого кола приредзели футболери Кули, котри на гостованю у Товаришеву здобули першу победу, победзиц дружтво Войводини з 1:0. Гол котри дружтву Кули принєсол перши триумф и три боди дал Букеєлович. Обрадовали и футболери Русина з Русского Крстура, котри на гостованю у Сомбору побили дружтво ЖАК-а з 3:0. Голї за Русин дали Чизмар, Джуканович и Орос. Наш шести представител у Сомборскей окружней лиги, футболери Младосци з Крушчичу, вчера у Параґох програли Будучносци з 2:0. По седемох колох Червенка друга на табели з 18, Гайдук јуниор треци з 14 бодами. Липар шести з 11, Русин девети з 10, Младосц дванадцата з 7, а Куля тринадцата з 4 бодом. У наступним колу општински дерби будзе одограни у Кули, а на Ґедеру ше у нєдзелю стретну Куля и Младосц з Крушчичу. Гайдук јуниор у суботу на стадиону Милан Среданович будзе хосциц дружтво ЖАК-а з Сомбора, а друга Червенка будзе так само у суботу гостовац у Товаришеву, дзе ю чека дуел з Войводину. Липар у нєдзелю пред своїми навиячами будзе приймац Будучносц з Младенова, а Русин, так само у нєдзелю у Руским Крстуру, буде хосциц дружтво Будучносци з Параґох.

Ђ.Боянич