Богаци шпортови викенд є за нами

Футболїсти Оџакох з Кули нє успели записац трецю ярну победу у чемпионату Сербскей лиги, ґрупа Войводина. Вибранки Желка Рачича у стречаню 18. кола, одограному у Панчеве, з домачим Железничаром грали нєрешено 1:1. Футболїсти Оџакох повели голом Матияшевича, домачин скору ше прибрал и вирунал. Около дзесяц минути по вируналованю Матияшевич мал вельми добру нагоду знова приведзц свою дружину до водзеня, алє голман домачих одлично засягнул, та на одмор ше пошло з резултатом 1:1. У другим полочасу темпо упало, гра була прекраяна, без вигляднєйших нагод на гол, та кед ше вше зложи, подзел бодох найреалнєйши. Оџаки тераз седми на табли з 29 бодами, а у наступним колу витую Раднички з Сремскей Митровици.

Футбалери Црвенки покрачели успешну пролетну серию у Сомборскей подручней лиги, уписавши и штварту вигру по реду. У сусрете 19. кола првенства Црвенка пред своїма прихильниками виграла Славию з Пивниц з 3:0. Голи за Црвенку дали Йован Суботич, Предраг Кишюхас и Марко Керекеш. Осталши наши подручни лигаши уписали поразки. Липар пред своїма прихильниками програл ведучому Станишичу з 1:0, Кула у Сомборе програла ЖАК-у з 2:0, док Русин з Русского Керестура у Гайдобри програл Херцеговцу – резултат бул 2:1 за домацих. Гол за Русин дал Александар Чизмар, а и у тим дуелю Керестурчани зачуствовали горкосц судийской неправди, бо арбитри одсудзели пенал за домацих, котри подля думаня водзтва Русина нє було. У тим коле Младосц з Крушчича була вольна. Црвенка друга на табели з 41 бодом, Липар осми з 23, Кула дванацта з 17, Русин тринацти з 14, а Младосц последня пейцнацта з 8 бодами. У насцедуюцим коле на програме општинске дерби: у Кули на Гедеру сили помера Кула и Липар. Друга Црвенка гостує Старому граду у Бачкей Паланки, Младосц у Крушчичу дочекує Крила Країни з Бачкей Паланки, а Русин є вольни.

Футбалєри сивацкого Полета розчаровали, бо лєм єдно коло були на челю табли Сомборскей медзиопштинскей лїги перши клас. У минувшим 14. колу Сивчани на гостованю у Рибареву програли Єдинству зо 2:1. Гол за Полет здобул Стефан Комазец. Сивчани су други на табли зо 32 здобутима бодами. В насампредуцом колу Полет прийма водяци Раднїцки з Раткова, хтори ма два боди вецей, та би у случаю победи Сивчани преузяли лїдерску позицию.

Порадовали футболїсти кулского футболского клуба КФК, котри у стречаню 11. кола чемпионату у Сомборскей медзиопштинскей лиги други розряд у Ридзицки перемогли дружину Граничара з 3:2. Голи за КФК здобули Стоянов, Михайлович и Вукович. КФК тераз є пети на табли з 17 бодами, а у наступним колу витує ведучого Тереквеша у Свиловє.

Успишни були футболїстки Полета з Сивца, котри у 9. колу чемпионату у Перщей лиги за жени пред своїма прихильнїками у Сивцу перемогли Мачву з Шапца з 6:1. Три голи за Полет здобула Шерко, два Виктория Часар, з котрих єден з пеналу, а єден гол здобула и Йована Голубович. Футболїстки Полета тераз шести на табли з 10 бодами, а у наступним колу пойду на гостї остатней дружини Раднички 1919 до Зренянина.

Кошаркарски актуалносци

Баскетболїсти Гайдука у 23. колу чемпионату у Перщей сербскей лиги пред своїма прихильнїками перемогли Словен з Руми з 110:92, полочас 59:51. Сам резултат указує, же оборони були слаба часц обидвох дружинох, алє так само треба повесц, же видзено аж 25 тройки. Найефективнїши у дружини Гайдука бул найискуснїши Йован Баич, котри здобул 35 бодох, а по 23 бодох записали капетан Зоран Шкрбич и Данило Борович. Баскетболїсти Гайдука осми на табли з 10 победами и 13 програшами, а у наступним колу пойду на гостї дружини Футог Тупаняц до Футогу.

    У 23. коле првенства у Другей србскей лиги кошаркаре Сивца на гостованю у Руменки виграли екипу Кадетох з Нового Саду з 89:76, док Црвенка пред своїма прихильниками програла новосадскей Слободзе з 90:75. Кошаркаре Сивца з 20 виграми и 3 поразками длєля друге и треце место, док кошаркаре Црвенки з 3 виграми и 20 поразками су пейцнасти на табели. У насцедуюцим коле кошаркаре Сивца дочекую Вельку Кикинду, док Црвенка иде на гостованє Петровграду до Зренянина.

И новосц з одбойки

Одбойкарки Гайдука у 13. колу првенства Першей войводинскей лиги ґрупа север пред своїми навиячами у Кули поразели тим ЦВС Елбрако Техноленд з Сомбора з резултатом 3:0, по сетох 25:16, 25:12 и 25:23. Одбойкарки Гайдука нєшка седме на првенственей табели з 9 бодами, а у насампредшим колу иду ґосцовац тиму Либеро у Бачким Ґрадишту.

Ђ.Боянич