За нами занимлїви спортски викенд, а обзначели го футбол и рукомет

У 4. колу першенства у Сербскей лиги, ґрупа Войводина, футболери Гайдука пред своїма фанушами победзели Бачку з Бачкей Паланки зоз 1:0, полчас 0:0. Змаганє медзи колишнїма суперлиґашами Гайдуком и Бачку з Бачкей Паланки заслужено припадло «гайдуком», котри у шаховей партиї на футболовим терену указали вецей спокоєнства, витримлївосци и борбеносци, за цо були награжени трома бодами. У першим полчасу Бачка була лєпша, Седлар у 5. минути вадзує зовнїшню часц сецки, а ґуфаюци на свою неспорну квалитету, голман Гайдука Симонович у 17. минути оборонил уж видзени гол гостий, кед капитан Ракич з 17 метрох прекрасно шутовал, а голман Гайдука зоз изредну параду спрамел лопту закончиц у його сецки. Та у другим полчасу «гайдуки» консолидовали свої шори, преузели инициативу, нє допущели футболером Бачки шутовац на свойо голо, творели шанси, та так Шакич у 48. минути зоз шеснаестерца гостий шутує преку гола, у 72. минути Матияшевич приправел прекрасну шансу свойому младшему дружиновому Кочишови, котри зоз дванадцец метрох шутовал преку гола, а момент ришеня пришол у 75. минути, кед резервиста Давид Паняк прихвацел лопту на коло 25 метрох од гола гостий, пушцел ше до дриблинґу, вошол до шеснаестерца гостий, «по бурек» послал Пантича и зоз боку, з 7-8 метрох, влучел далеку малу сецку гола немочного Кнежевича за 1:0 и победу свойого дружини.

Гайдук тераз шетверти на таблици з 7 добутих бодох, а снимок утакмици Гайдук – Бачка з Бачкей Паланки можеце позерац на програму КУ Телевизиї вечар од 20 годзини.

Копанкарє Липара нє преставаю. У штвартим коле чемпионату у Сомборскей окружней лиги Липарчани як гостї побидзели дружину Борца у Обровцу з 3:1 и зо вшелїма дванадзец бодами веду на таблїци. Досегнуце копанкарох Липара ма вецшу вагу, кед ше зна же у перших штирох колох чемпионату трираз били гостї. У двобою з Борцом у Обровцу два ґоли за Липар дал Неманя Авдалович, а єден Марко Лалич. Треба повесц и то же при резултатe 2:1 за Липар ґолман Липара Лука Живко обранил пенал котри бул присудзени за дружину Борца. Русин у Руским Крстуре принял дружину Кордуна з Кляїчєва, котра на тоту стречу, котра тривала лєм 45 минути, пришла лєм з єденадзец гравцами. Кед копанкарє Русина ґолами Саянковича, Сушича и Владана Вуйовича за менєй як пола годзини повели з 3:0, копанкарє Кордуна зачали паднуц на терену, жаляци ше на повреди, та стреча прекинута по першого полочасу и будзе зареґистрована службеним резултатом. Найинтереснєйше у штвартим коле чемпионату у Сомборскей окружней лиги було у Црвенки, дзе Црвенка приняла дотерашнього лидера Гайдук з Стапара. Стреча окончана нєрешеним резултатом 2:2, а обелєжели ю три червени картони, котри судия Милош Дражич дав гравцом Црвенки, два уж у першім полочасу, кед у 5. минути вигнал Ивича, а у 28. Зелича, за, як написа у протоколу, хаснованє увредлївих, непристойних або погардних словох чи ґестох. Наперек тотому хендикепу копанкарє Црвенки з ґолами Радойци Йовановича розвязали першого полочасу у свою корист з 2:1. Трети червени картон у дружини Црвенки достал Симић, по шейсц-сем минут гри у другим полочасу, кед заробел други жути. З трома гравцами менєй копанкарє Црвенки одолєвали аж до 89. минути, кед гостє успели да даю ґол за коначних 2:2. Црвенчани су розлючени зоз судством Милоша Дражича з Бачкей Паланки, а о тим кельо напета атмосфера була по стречи сведочи и то же полїция мушела одвесц судий зо стадиону у Црвенки. По штирох одограних колох чемпионату у Сомборскей окружней лиги Липар перши з 12 бодами, Русин треци з 10, а Црвенка седма з 7 бодами. У наступним коле Липар прийма дружину Борца з Бачкого Грачаца, Русин идзе на гостї до ЖАК-а у Сомбор, а Црвенка будзе гостом Тврђави у Бачу.

Слаби резултати екипох з кулскей општини у Сомборскей медзиопштинскей лиги првей класи. У штвартим коле првенства, зоз трьох наших представнїкох лєм Кула здобула бод, граюци як гост 1:1 з екипу Алекса Шантич. Гол за Кулу забил Циврич. Подля слов тренера Кули Слободана Куколя, його екипа була много лєпша у першым полочасу, кеди мала розришиц питанє победнїка, але у другим полочасу физично попущела, та домашнї у 85. минути по хиби футбалера Кули здолали вируновац. Младосц розчаровала, бо у Крушчику витала екипу Тереквеша з Свилойова, котра нє мала ани єден бод, и преграла з 4:0. Сивацки Полєт на гостованю у Бачком Врестовцу преграл од ведущого БСК зо 1:0. Кула тераз седма на табели зо 7 бодами, Полєт осми зо 6, а Младосц девета зо 4 бодами. У наступуюцим коле на шоре општински дерби: у Сивцу ше стрекну Полєт и Младосц, а Кула на Гедеру дочека Телечку.

У Сивцу у суботу, 3. септембра, одржани 17. мемориялни рукометни турнир „Владе и Новак“, котри Рукометни клуб Сивац организує на знак спомну на двох своїх траґично загинєних членох, Влада Джувера и Новака Стиеповича. На тоторочним мемориялу, попри домацинох, екипи Сивца, члена Супер Б лиги, участвовали суперлигаши Апатин и Уб и першолигаш Єдинство з Нового Бечея. Грало ше двараз по 20 минути, а у першым стречаню сили одмерали Сивац и Апатин. Вижена занимлїва рукометна представа, а на концу ше радовали домацини, победзуюци екипу Апатину з 19:17. У другим полуфиналним стречаню екипа Уба победзела Єдинство з 22:18 и виборела плейс у финалу. У утриманю за треце место суперлигаш Апатин декласификовал екипу Єдинства, победзуюци ю з 24:14. У борби за пехар, призначени победнїкови, зишли ше домацини, рукометари Сивца и Уб. Вижени два розлични пологчаса: у першым домацин бул лєпши у каждим сегменту гри и ту часц ришел у свою хасен з 11:8, а у другей часци екипа Уба загосподаровала на терену, кед сивацки рукометари реєдовали хиби, та Уб на концу заслужено победзел з 19:16 и так ше стал победнїком мемориялного турнира „Владе и Новак“. Признаня екипом за остварени пласман одали сестрицки покойних Влада и Новака, а пехар призначени победнїкови капитенови Уба одал председатель Рукометного клуба Сивац, Петар Цвийович. За найлєпшого игрока на сивацким мемориялу проглашени игрок Уба Андрия Алавања, а од тогошнього турнира установена и награда за найлєпшого голмана, котра носи мено „Ненад Вучинич – Круле“, на знак спомну на легендарного голмана Сивца, а перши добитнїк того признаня голман Сивца Марко Томич, котрому признанє одал бивши голман Сивца Негица Павков. Инак, тотошнї мемориялни турнир „Владе и Новак“ останє запаметани и по тим, же по длужей и богатеј игроковей карьєри з активного играня рукомету розлучел ше леворуки бомбардер Витомир Калич, сигурно єден з найлєпших сивацких рукометарох вшицких часох. Пригодни дарунок Витомирови Каличови, як мале знак уваги за вше, цо дал сивацкому рукомету, одал Велибор Милоїчич, перши чловек сивацкого клуба, а цо теши любителє рукомету у Сивцу, то факт, же легендарни Вито остава у своїм клубу як помоцнїк главного тренера Бранка Жежеља.

Наш други суперлигаш, рукометари Црвенки, у суботу у Гайдобрe були учаснїками першого Мемориялного турнира „Спасо и Кале“, котри нови суперлигаш Херцеґовац орґанизовал на спомин своїх преминутых членох, репрезентативца Спасоя Яньича и професора и тренера Анджелка Кашиковича. У полуфиналу екипа Херцеґовца победзела Црвенку з 26:21, а у матчу за треце место рукометари Црвенки програли бачкопаланчанским Лавом з 20:16, так же участь на турниру у Гайдобрe закончели на штвартим месту.

Ђ.Боянич