За нами єще єден занимлїви спортски викенд

У першім колу ярней часци чемпионату у Сербскей лиги ґрупа Войводина футбалери Гайдука гостовали у Зренянину, дзе з Радничким грали нєрозходно 1:1. Премиєрни шорец все непознаница, бо з приправох входзи до змаганя за бодами, а пред Гайдуком велика вызва, званє опстанок. Прето бод здобути у Зренянину значни, бо здобути против прямого сопернїка у борби за опстанок. Што ше тика самого шорцу, перша полвреме прешла без подобнєйших шанцох за гол. И на початку другой часци домашнї щастно приходза до водзеня, бо єден бал послати к голу Гайдука вдарел єдного гравца Гайдука, одбил ше од пречкох, на жалосц Кулянох до гравца Радничкого, котри з 5-6 метрох послал го до шитки. Но, водзенє нє зневолєло футбалерох Гайдука, а значна хвиля шорцу стала ше у 69. минуту, кед Матијашевић на средзи терену здобул бал и послал го до вольного простору к Ивановићу, котри рушел сам к голу домашнїх; гравец Радничкого го зоз задку звалїл и достал червену карту, а футбалери Гайдука материялизовали чисельну предносц голом Шушняра у 86. минуту. Тот исти гравец у надополнєню часу мал шанцу же би по асистенциї Матијашевића принєсол победу Гайдуку, ал малу хибно послал бал, та остало 1:1. Гайдук и далєй остатнї на табели з 11 бодами, а у наступним колу на свойом терену витує Тису з Адоряна.

Наши клуби одлично отворели ярну часц сезони у Сомборскей подручней лиги. Вше три представнїки — Црвенка, Липар и Русин з Русского Крстура — здобули победу. Црвенка на своїм терену хасновала дружину Будучносци з Парагова и славела победу зо 3:0. Одличне перше полчас коруноване з трома голами постигнутими за лєм осем минути. Први гол у шеснаццей минуте постигол Бабич, други у 20. минути Йован Суботич, а треци у 24. минути Йованович. Шкода же ше Црвенчани у другей часци ришели за рутинне одробованє роботи, та остало лєм 3:0. Липар хасновал дружину Наша звезда з Силбаша и победзел зо 4:1. Липарчани були доминантни, вели зо 2:0, кед гости з почесним голом трошка загрозели, алє потим вибранїки Мирка Ковача постигли ище два голи за конечних 4:1. Двойни стрелец за Липар бул Марчетич, а по голу постигли Ковач и Авдалович. Наш треци представнїк Русин гостовал у Обровцу, дзе победзел домашнїх, дружину Борца, зо 2:0. Тренер Русина Златко Саянкович наглашує же победа вецей як заслужена, бо обрана Русина одлично функциовала, домашнї нє створели ани єдну шансу, а Русин свої дзве хасновал. Ведучий гол за Русин постигол Филип Вуёович з пенала, а други Матей Саянкович приблїжно дзесяц минути пред концом стречи. По шеснаццёх колох чемпияту Русин є штварти на табли зо 31 бодом, Липар тринацти зо 19, а Црвенка штирнацта зо 12 бодами. У наступним колу Русин у Руским Крстуре дочека дружину Борца з Бачкого Грачца, Липар у Кляїчеву змери сили з Кордуном, а Црвенка идзе на гостованє к дружини Будучносци у Гложане.

Наши рукометни колективи були минули викенд нєуспешни. У 14. коле шамионату у Супер Б лиги и Црвенка и Сивац 69 записали порази. Црвенка учера вечар у Апатине препала од домацого Апатина зоз 28:23, полчас 15:10 за домацих. Рукометаши Црвенки вельо лємаво зашли до стречи, цо рукометаши Апатина хасновали и у 21. минуте водзели зоз 13:4. Пото змобилизовали ше вибраники Милоша Митровича, а противнїкови найвецей ше приблїжели у 53. минуте, кед пришли на лєм три голи заостатку – резултат бул 24:21 за Апатин, алє на преокрет нє було снаги. Найефикацнїши у рядах Црвенки бул Бошкович зоз 8 забити голи. По двох поразох по порядку пред своїма навиячами рукометаши Сивца у 14. коле шамионату госцовали у Костолцу, дзе їх екипа Колубаре победзела зоз 35:29, полчас 15:12 за домацих. У першим полчасу водзени ровноправни бой, у котрим ше екипи шмикали у водзеню, а у закончованю першого часу домаци хасновали пару хибох гравцох Сивца и здобули три голи предносци. Но у другим часу як би рукометашом Сивца дошло снаги концу, та же од резултату 18:16, у 36. минуте домаци за три минути робя серию 4:0, одходя на 22:16 и тих шейсц голи предносци успели збергнуц до концу стречи и заслужено славя. То цо, наперек порази, теши, факт же здравствени билтен сивацких „пантерох“ все поволєнши, та треба очековац же з консолидованьом гравецкого кадра наступи и консолидованє резултатох. Найефикацнїши у рядах Сивца були Беслац зоз 8 и Чабаи зоз 7 забити голи. Рукометаши Црвенки моментално пети на таблици зоз 16 бодами, а Сивац 69 осми зоз єднац. У наступним коле Црвенка вита екипу Уба, а Сивац 69 буде домацин Синдзеличови з Беоґрада.

Кошаркаре Гайдука у другим колу плей-офа Першей регионалней лиги Сербиї здобули и другу победу. На гостованю у Старей Пазови кошаркаре Гайдука победзели домашнїх, Стару Пазову, з 96:88, на полчасу 47:45 за Гайдук. Победа тим векша, бо Гайдук настунил без капетана Шкрбича, найискуснєйшого играча Баїча, повредзених Лєшевича и Терзича, а у дружтве були Джурович и Цветичанин практично без тренованя цали минули тейжень. Тренер Гайдука Данило Борович истиче, же гра його дружтва у нападзе була добра, алє нєт найвецей задовольни з грою у обранє, а сусрет пресудзело то, же Гайдук грал искуснєйше и зрелейше од домашнїх. Найефективнєйши у дружтве Гайдука були Джурович з 28, Сувайджич з 25 и Копривица з 24 постигнутих поєнох, алє значни допринос победи дал и Рнич, котри мал значну ролю у обраню и скоку. Кошаркаре Гайдука су треци на плей-оф табели з учинком пейцох победох и трьох поразкох, а у наступним колу пред своїма вболовачами, у комшиским окршаю, витую дружтво Врбаса.

Одбойкаре Гайдука у 17. колу першенства у Другей лиги Сербиї на гостованю у Бачу програли Партизану з 3:1. И пред шорнїком домаци бул фаворит, бо е ведуща екипа на таблици, та мало шицко фалело же одбойкаре Гайдука прерихтую препаднучку. Одбойкаре Гайдука з вельку одвагу вишли на шорнїк и у першого сета з прекрасним сервисом роззброєли лидера, екипу Партизана, и перши сет виграли з 25:23. Та неколїґо грешки у другей и третей части коштали их губитку тих сетох. Други програли з 25:23, а треци з 25:17, потим нє назберали сили же би ше врацели до шорнїку и штварти сет програли з 25:12, за конечних 3:1 за екипу Партизана. Тренер одбойкарох Гайдука Милорад Лазич зазначує же против ведущей екипи у лиги його тим указал же ма квалитет, лєм треба ище доста тренованя и часу же би здобули искуство потребне за глєбанє у Другей лиги. Одбойкаре Гайдука су треранедзеци на таблици з 10 бодох, а у насампредшим колу пред своїма придвигачами дочекаю Войводину 3 з Нового Саду.

Пораженством у 16. колє првенства у Перщей войводзинскей лиги кегляри Гайдука страцили водяцу позицию. Як домаци, кегляри Гайдука у Врбасу привитали екипу Кляйичева, котра славела победу 7:1 у бодох, односно 3272:3139 у звалєних кегльох. Єдинї бод Гайдуку принїсол Бранко Вуксан, котри звалєл 552 кегльох. Кегляри Гайдука друге на таблици з 24 бодом, єдним бодом менєй од водяцого Кляйичева, а у наступацим колє идза на гостованє до Кристала у Зренянину.

Ђ.Боянич