Викенд за шицких любительох фудбалу

Футбалєри Гайдука у єдинацетим колє првенства у Србскей лиги ґрупа Войводина гостую у Панчева дзе ше стретаю з Динамом. Исто є, же перемога у минулым колє подняла самодоверєнє у дружтве Гайдука, та прейк тому, же проти Динама настуша без єдного з найдобрих гравцох Душана Мийича, котри муши одпочивац хтори жовти картони, Куляни кажу же даду свойо максималне и зробя вше, жеби ше з Панчева врацили нєпоражени. Стретнуце Динамо-Гайдук будзе у Панчеве одогране завтра, а зачне ше у 14 годзини.

У єденадцатим колу првенства у Войводянскей лиги ґрупа север футболєри Црвенки пред своїма фанушами дома маю Младосц з Бачкого Петровца. Црвенчани у минулей колу витрпели праву катастрофу у Врбасе, та стрек з тимом Младосци нагода на поправу утиска. Дуель футболєрох Црвенки и Младосци з Бачкого Петровца на стадийоне „Милорад Джомба“ у Црвенки одбудзе ше завтра, а зачне у 14 годзини.

Футболери Русина у єденадцетим колу чемпионату у Сомборскей окружней лиги пред своїма прихильниками у Руским Керестуре дочекаю дружтво Будучносци з Младенова. Дружтво Русина з тренерскей лавки будзе водзиц Ранко Делич, хтори ше вернул з Италиї, а футболери Русина, довераюци у предносц домашнього терену, обявюю вигранє. Стретнуце Русина и Будучносци з Младенова у Руским Керестуре будзе у нєдзелю, а почне ше у 14 годзини.

Вше штири дружтва з кулскей општини, котри ше такмича у Сомборскей медзиопштинскей лиги першого ступня, у єдинацетим колє првенства су гостї. Виґляда же найлекше футбалєром Липара, котри иду на гостї к последнє поставеним ОФК Оджаком, дружтву котре у дотерашнїм часце сезони нє здобуло ани єден бод. Сивацки Полет идзе на гостї к Єдинству до Рибарова, котре є предпослєднє на табли. Кула гостує у ведущого Омладинца у Деронях, а Младосц з Крушчича идзе на гостї к Алекси Шантичу. Вшадки тоте стречаня су на програми у нєдзелю, а зачну ше у 14 годзини.        

Ђ.Боянич