„Виверички“ у плей-офу, у Сивцу видзено 14 голи

Меч 26. кола Србскей лиги Войводина, у хторим ше стретаю «Гайдук 1912» и «ОФК Бечеј 1918», на програму є у вторнїк, 16. мая з початком о 17 годзини. Тот меч мал буц одограни у суботу, ал го одложели хтори турниру «Милан Среданович».

У 26. колу Окружней лиги Сомбор екипи з општини Кула записали по дзве победи и єдну поразку. Футбалски клуб „Црвенка“ славел у Каравукову проти екипи „Полета“ з результатом 3:0. Голмайстри за „Црвенку“ були Фачол, котри дал два голи, и Симич. Победу записали и футбалєри „Русина“, котри славели 1:0 проти „Борца 46“ зоз Обровца. Єдини гол за „Русин“ дал Филип Вуёвич. Єдина поражена екипа „Липар“, котра програла у Младенову екипи Будуценосци з резултатом 3:2. Обидва голи за Липарчани дал Марчетич. У наступним колу „Црвенка“ витує „Будуценосц“ зоз Парагох, „Русин“ иде гостювац „Борцу“ у Бачки Грачац, а „Липар“ витує „Кордун“ зоз Кляичева. На табели „Русин“ други зоз 59 бодами, „Црвенка“ треца зоз 55 бодами, а „Липар“ пети зоз 42 бодами.

Меджуопштинска лига Сомбор 1. клас була богата голами, та ше у трьох матчох клубох зоз општини Кула видзело аж 25 голи ! . Футбалєри „Кули“ славели на гостованю у Србским Милетичу проти екипи „Задругара“ з резултатом 6:2. Голи за „Кулу“ дали Давидович, котри дал три голи, Ромич, котри двараз стриля, и Лиценберґер. Найвец голи, а можлїво и клупски рекорд, дал сивацки „Полет“, котри на своїм терену поберал „Телечку“ аж зоз 14:0. Голи за Сивчанох дали Юшкович, котри дал штири голи, по два голи дали Маркович и Колджич, а по єден гол дали Игнятович, Головати, Перлич, Милишич, Рашкович и Максимович. Три бодо здобула и „Младосц“ зоз Крушчичу, котра на своїм терену поберала екипу „Алексе Шантича“ зоз 3:0. Голмайстри за Крушчичанох були Вукович, Явор и Фекете. У наступним колу „Кула“ витує „Тереквеш“ зоз Свилойова, „Полет“ гра на гостох проти именяка зоз Растини, а „Младосц“ гостує у Телечки. На табели перши „Полет“ зоз 54 бодами, „Кула“ друга зоз бодом менєй, а „Младосц“ десета зоз 25 бодами.

Супер Б лига у рукомету предложела трилерску завршницу. Було много преброюваня и розплєту, ал теперь єдно сигурне: «Црвенка» є у плей-офу! У Апатину «виверички» славели з 38:22 и, дзекуюци ремизу «Врбас Петрола», забезпечели собе место медзи перши штири дружини.

Найефикаснєйши у редох «Црвенки» були Чабрило з девец голами, а Ивич и Подунавац з по пейц голами. На другей страни, «Сивац 69» прешол на гостованю од суботицкого «Спартака» з 32:26, и їх судзба, коли иде о опстанок, и далєй нєизвесна. Найефикаснєйши у редох Сивчанох були Беслац, Вемич и Купрешанин зо штири голами. На концу лигашкей часци «Црвенка» четверта з 29 бодами, а «Сивац 69» десяти з 13 бодами.

Делибашич