Вечар трованє комарох на териториї општини Кула

Третмани проти комарци зоз землю и зоз воздуху на подручю општини Кула буду проведзени вечар (14.юл), сообщела новосадска „Циклонизация“. Заштитна зона окола Кули, Сивца и Црвенки будзе третована зоз воздуху, а вшитки населени зони зоз землю. Третмани буду проведзени зоз препаратами на основи ламбда-цигалотрина и делтаметрина.

Упозорюю ше пчеларох же препарат є токсични за пчели, та же кошници затворя або однесу нє менєй як пейц километрей од означених местох третованя. Дїйство препарату трає єден дзень.