Углєша Слиепчевич вибрани за сталого члена Матици сербскей

Управни одбор Матици сербскей на засїданю одржаним 16. марца принєсол одлуку же за рядного члена вибрани Углєша Слиепчевич, поет з Новей Червенки. Ту Слиепчевич здобул право участвовац у роботи нашого найстаршого културного и научного институту, як и буц часцу його виконавчих органох. Што ше тичи його жывотопису, народзени у Новей Червенки 1946. року, дзе и жывє и твори. Любосц к поезиї ма од средношколских дньох, а серйознєйше пише пошлєднїх трицец роки. Учаснїк многих кнїжовних и културних приредох. Наградзовани и заступени у многих кнїжовних часописох и зборнїкох. Окрем Матици сербскей, є рядни член Удруженя кнїжевникох Сербиї, Удруженя кнїжевних и ликовних творцох „Стазе“ и Союзу кнїжевникох у вотацбини и розселяносци Нови Сад. Нєкотри з його видатих кнїжкох: „Манастирски дзвони“ , „Треца доба“ , „Марковдан 1941“, „Войводино моя благородна“ , „Мац Русия“ , „Невесиньска пушка – Гарамбаша Перо Тунгуз“ и многи други.