Почас Великодньових празнїкох були активни наши футболови колективи, алє и наймладши рукометаши и рукометашки

Почас Великодньових празнїкох були активни наши футболови колективи, алє и наймладши рукометаши и рукометашки

У 24. колу першенства у Сербскей лиги, ґрупа Войводина, фудбалери Гайдука на гостованю у Бечи победзели ОФК Бечи 1918 зо 4:2 и так збогачели шлєбоди, же у остатней чашци сезони зможу вибориц ше застануц медзи сербсколигашами. Домашнї повели по половини годзини гри, а Влаисавлевич у 38. и Вуйошевич у 42. минуту преобрацели резултат и принєсли предносц Гайдуку. Но у надополнєню першого полочасу домашнї забили други гол и на одпочинок ше одходзи з резултатом 2:2. У другей чашци конкретнейшу и лєпшу гру вибранїки Желка Рачича закрунили зоз ище двома голами: найперей Влаисавлевич у 62, а потим и Матияшевич у 80. минуту за конєчних 4:2 за Гайдук.

-Бечей квалитетни сопернїк, з квалитетним тренером, добре организовани клуб, а кед часто з нїма граєм припремни маци, добре нас познаю, як и ми нїх, та до стречи ше пришло „з отворенима картами“. Домашнї лєпше отворели дуел, повели, алє ми нашли сили швидко преокренуц резултат, но на нашу жалосц у финишу першого часу Бечей вирунал. У шлєковальнї ше трохи „перегруповали“, договорели ше о тим, цо и як у другей часци, додержали ше договору и победзели. Боди сце важни, алє яро у нашой лиги специфичне, бо шицки дружини хтори боря за опстанок здобуваю боди, и зато победу у Бечею мушиме чим скорей забуци и зосередзиц ше на тим цо нас чека, а то гостованє у Омладенцу у Нових Бановцох - повел шеф стручного штабу Гайдука Желко Рачич.

Пo перемоги у Бечею Гайдук є на дванадцетим месце на табли з 27 здобутих бодох, а у шлїдуюцим колу идзе на гостованє к Омладинцу до Нових Бановцох.

Двацец треце коло првенства у Подручней лиги Сомбор означели футболисти Црвенки, котри пред своїма навиячами записали найвекшу победу у дотерашнєй части сезони: победзели су Радничкого зо Сомбора зо 8:0. Гости ше найнизше поставена дружина на таблици, алє проти таких противнїкох тяжко найсц мотив, та ше вшадз зводзи на рутинне робене роботи. Но, вибрани тренера Горана Шушиловича ше понєли професионално, грали барз добре и наповнєли меш Радничкого. Йованович и Бабич дали по два, а Чвокич, Милан Суботич, Кончар и Александар Бошкович по єден гол за Црвенку. Русин у Руским Крстуре приял Будучносц з Младенова и славел победу зо 3:2. Крстурчани з голами Павловича, уж у першей минути, а потом Марковича и Саянковича, уж у першого полчаса здобули, як ше указало, недостихаюцу предносц. Тренер Русина Златко Саянкович у другим полчасу дал нагоду хлопцом з подмладку, што гости скоришцели и зменшели пораз, алє найважнєйше, три нови бодзи су на конту Русина. Наш трец представитель Липар на гостованю у Бачким Грачцу поражени од Борца зо 2:1. Кед ше зна же Липарчани на тото гостованє одошли лєм з єднимадвацец гравцами, вец од поразу нє було мож очековац нїч. Гол за Липар дал Лука Живко. По одграних двацец трох колох првенства Русин є штверти на таблици зо 46, Липар єденадцати зо 27, а Црвенка дванадцата зо 26 бодами. У 24. коле првенства Русин иде на гостованє к предводячому Братству до Пригревици, Црвенка є гостем дружини Войводина у Товаришеве, а Липар прия Радничкого з Раткова.

З победу здобиту на гостованю проти дружтву Алекс Шантић фудбалєри Кули задержали лидерску позицию у Сомборскей медзиопштинскей лиги першого розреду. У 20. колу шампионату Кула у Алекс Шантићу победзела домашних з 4:2. Двораз стрелац за Кулу бул Небойша Попович, а по голу дали Бортник и Лицембергер. Полет у Сивцу победзел дружтво Динама з Бачкого Брега з 6:3. У першым полуграю трохи опущену гру домашних гостє хаснує, та на одпочивок ше иде з нерешеним 2:2. У другей часци фудбалєри Полета „додаю гас“, давающеще штири голи за убедлїву победу. Двораз стрельци за Полет проти Динама були Милишич и Вукашинович, а по єден гол дали Ромич и Пеянович. Младосц у Крушчићу приймела дружтво ОФК Оџаци, котре кандидат за поступ до вишого рангу. Оџачани оправдали роль фаворита и победзели Младосц з 2:0. По двацец колох шампионату Кула перша на табели з 43 бодами, Полет пети з 32, а Младосц девета з 20 бодами. У наступаюцим 21. колу шампионату Кула вольна, Полет гостує ОФК Оџаком, а Младосц гостує Омладинцу у Буковцу.

У Црвенки у соботу одражани 14. по рижу Великодни турнир у мини рукомету. Тоту форму популяризациї спорту, пред шицким рукомету, до наших краєв принєсол закладатель Рукометного клуба „Лаки“ Милорад Лаїч.

-Пред петнац годинами сом у Данскей участвовал на семинару за рукометни тренери и там перши раз видзел мини рукомет. Полна хала дзеци, родичи… Малїчки бега за лопту, радує ся, навива за єдних других, то ше ми подобело, перши у Сербиї зме зачали и ево уж штирнац раз наш клуб орґанизує таки турнир – гвари Лаїч.

Рукометни клуб „Лаки“ на 14. Великодньовим турниру угосцел коло 150 хлопцох и дзивчат з штирнадцец клубох з Заходнобачкого округа. Дружину у мини рукомету творя штири игроки и голман, мац трає дзеци минути, та же каждa дружина одограла по найменє три маци. А на таких турнирох зачала и днєшня репрезентантка Сербиї Йована Йовович. Свесердну подопору Рукометному клубу „Лаки“ при организованю Великодньового турнира у мини рукомету дали Рукометни союз Сербиї хтори обезпечел мичи за дружини учаснїки, як и Рукометни союз Войводини. При сполочней фотографиї шицки учаснїки достали и яйцо, котри им подїлили репрезентантки Сербиї у 2006. роковишту Анжели Ловре и Йована Мишкович.

Ђ.Боянич