Свечаносц присвячена бувшим рукометарком и репрезентантком
Учора вечар у Црвенки приредзена пригодна свечитлївосц посветена колишнїм репрезентантком Югославиї, гандбалистком родзеним у Црвенки Зорици Войинович Крчмар и Весни Абутович Томайек. Зорица Войинович була колишня югославска
Вчера вечар у Црвенки пририхтали пригодну свеченосц присвячену бившим репрезентанткам Югославиї, рукометаркам родзеним у Црвенки Зорици Войинович Крчмар и Весни Абутович Томаєк. Зорица Войинович є бивша югославска и сербска рукометарка. Як членка репрезентациї Югославиї здобула срибну медалю на Олимпийских играх 1980. у Москви. Грала на Световим першенстве 1978. у Чехословакії, кед Югославия заняла пето место, и 1982. у Мадярскей, на котрим репрезентация Югославиї здобула бронзу. По Црвенки Зорица Войинович Крчмар грала за Рукометни клуб Бане Секулић зо Сомбора.
Весна Абутович Томайек за репрезентацию Югославиї наступала на Световим першенстве 1986. у Голандиї, дзе здобула шесто место, и 1990. у Южней Кореї, дзе здобула сребряну медалю. По грох у Црвенки грала за Женски гандбалски клуб Сомбор.
На вчерашнєй свеченосци у Црвенки Зорици Войинович Крчмар и Весни Абутович Томаєк вручели плакети Рукометного союзу Войводини, а то з нагоди 70 рокох роботи и існованя Рукометного союзу Войводини. Плакети им вручел Слободан Вишекруна, генерални секретар Рукометного союзу Войводини. Свеченосц обогатєли и млади рукометарки, членкини Рукометного клубу „Лаки“, котри Зорицу Войинович Крчмар и Весну Абутович Томаєк припомнели на їх рукометни початки.
Обе легендарни црвенски гандбалерки су добитнїци националного признаня Републики Сербиї.
