Спортски резултати минулого викенду

Рукометари Црвенки у заднїм колу першенства у Супер Б лиги пред своїма прихильниками победзели Мачву з Богатича з 30:27, полчас 13:13. И кед стреча нє мала такмичарски значай, бо обидва дружтва обезпечели опстанок, видзени бул занимлїви рукомет. Искуствене дружтво гостий успишно одпоряло вибраником Радосава Ковачевича по штредок другого полчаса. Теди рукометари Црвенки правя серию од 3:0 и з резултатом 19:19 у 45. минуце одходза на 22:19, а потом з рутиновану игру привели стречу до конца и з победу розлучели ше од своїх прихильников. Найефикашнєйши у дружтве Црвенки бул Швельо з 7, а Драгиша Рачич и Коядинович з по 6 голами. Црвенка скончела сезону у Супер Б лиги на шестим месце у табели з 19 здобутих бодох.

Гандбалїсти зоз Сивца у послїднїм колу првенства у Првей лиги на гостованю у Апатину пребедзели дружтво Апатина зоз 28:25, полчас 13:13. Так Сивчани ше оддужели за пораз од Ябуки у попредходним колу првенства. Наефикаснєйши у дружтве Сивца 69 були Славуљица, котри постигнул 9, и Чабаи зоз 8 голами. Сивац 69 окончил прволигашку сезону на трецим месту на табели з 32 здобути бодами.

Наш другий прволигаш, женска рукометна дружина Лаки, будзе вечар окончи сезону. Пред своїма навиячами у Црвенки Лаки будзе виту дружину Темерина. Млади црвенчански рукометарки су ришени победуня розлуцци ше од своїх навиячох. Змаганє Лаки – Темерин у црвенчанскей дворанї будзе вечар зачац у 19 годзини.

Фудбалери Оџакох з Кули у 29. коле першенства у Србскей лиги ґрупа Войводина гостовали у Сакуле, дзе програли домацему Борцу зоз 2:1. Домаци повели у першым полочасе, алє з голом Матияшевича Оџаци приходза до виравнаня и зоз 1:1 дружини пошли на одпочивок. Кед ше очековало же то будзе и конєчни резултат, у судийскей надставки часу дружина Борца дава победни гол. Оџаци су дванадцати на таблици зоз 36 бодами, а у остатнїм коле дома прилапяю дружину Радничкого з Новей Пазови.

Предостатнє коло првенства у Сомборскей подручней лиги означел општински дербий, одограни у Крушчику, дзе ше стрекли домача Младост и Липар. Змаганє нє мац жадного змаганёвого значеня, бо Младост послїдна, а Липар обезпечел опстанок. Победзела Младост з 8:2. Другопоставена Црвенка на гостованю у Сомборе победзела дружину ЖАК-а з 4:0, Русин у Руском Крстуре програл од лїдера Станишича з 5:0, док Кула на гостованю у Пивницох програла од Славиї з 4:2. Црвенка друга на таблїци з 61 бодом, Липар десети з 30, Кула дванадцата з 29, Русин тринадцати з 28, а Младост послїдна, петнаста з 14 бодами. У остатнїм колє првенства на програму нови општински дербий: у Липару ше стрекну Липар и Русин, Црвенка витує Будучносц з Параґа, Младост з Крушчича гостує у Войводини у Товаришеву, а Кула волна.

Првенство у Сомборскей медзиопштинскей лиги перши розряд закончело ше. Футболарє Полету з Сивца гостовали у Купусини, дзе з домашнїм Партизаном грали нєришено 2:2. Полет закончил сезону у Сомборскей медзиопштинскей лиги перши розряд на другим месце на табели з 45 здобутих бодох.

Кадети Кошаркарского клуба Червенка су победнїки Лєтнєй кадетскей лиги Кошаркарского союза Войводини. Млади червенски кошаркаре у послєднїм колє пренства пред своїма навиячами победзели ровноснущох, кадетох Марине з Бачкей Паланки з 79:50, полочас 48:20. Хаснївци тренера Аранґела Семиза зломели опор гости уж у першой часци, котру здобули з 27:9, та потим остатнє було лєм рутинне робенє роботи. По стречи капиценови Червенки Джордже Ристичови победницьки пехар, дар Кошаркарского союза Войводини, одручел наш славни кошаркар Златко Болич. Болич, котри є членом Скупштини Кошаркарского союза Сербиї и предсидатель Кошаркарского союза Нови Сад, одручил кадетом Червенки золотни, а Марине шребрни медайлї. Кадет Червенки Никола Мрдал получил признанє як найлєпши гравец лєтнєй кадетскей лиги, тренер Червенки Аранґел Семиз знова проглашени за найлєпшого тренера, а признанє за успишного спортового робочого Златно Болич одручил Петру Бодрожичови, предсидательови Кошаркарского клуба Червенка.

Ђ. Боянич