Спортски резултати минулого викенду

Футбалєри Гайдука прекинули серию нєуспехох у Србскей лиги, ґрупа Войводина, и по штирох поразкох по шорє на гостованю, у 32. колє првенства у Панчеве грали нєришено з екипом Железничара 0:0. Зустрич бул практично без шанси нї на єдней, нї на другей страни, алє останє запамятана по деби младого Илиї Йовановича за перши тим Гайдука. Треба истац, же клуб ришел дат шанс своїм младим гравцом на концу сезони, та на лавочки у Панчеве седзели Шиячки, Божович, Богичевич и Слиєпчевич – будучносц футбалового клуба Гайдук. Гайдук є тераз други на таблици з 58 бодами, а у наступним колє дома привита екипу Радничкого з Зренянина.

У 28. колу першенства у Войводинскей лиги ґрупа север футбалери Црвенки на гостованю у Чонопли програли домашнїм з Слоги з 2:1. Црвенчани грали добрe, творели шанси, а кед ше пове да голман Слоги бул гралєц стречи, вше є ясне. Гол за Црвенку дал Керекеш. Црвенка є тераз шеста на таблици з 39 бодами, а у насамнїм колу витую екипу Таванкута.

Дваец девете коло чемпионату у Сомборскей окружней лиги обелєжело општинске дерби. У Липару сили одмерели Липар и Кула. Стречанє закончело ше победу домашнїх з резултатом 3:2, гоч Куляни поведли. Два голи за Липар дал Лазич, а єден Банович, медзи тим обидва голи за Кулу дал Вукович. Русин у Руским Крстуре грал неришено 2:2 з Войводину з Товаришова. Обидва голи за Русин дал Будински. Наш штверти представнїк Полет з Сивца програл стречанє проти Раднїцкого у Раткову. Резултат бул 4:2 за домашнїх, а голи за Полет дали Ромич и Янюш. По тим колу Русин є пети на табели з 45 бодами, Полет тринадцати з 33, Кула чтирнадцата з 32, а Липар пятнасти з 30 бодами. У послїднїм колу чемпионату нове општинске дерби: у Сивцу буду грац Полет и Липар, Кула будзе витовать Будучносц з Парага, а Русин иде на гостованє до Герцеговца у Гайдобрe.

Футболєри Младосци з Крушчича у 21. колє првенства у Сомборскей медзиопштинскей лиги першого класа на гостованю у Купусини програли Партизану з 3:2. Младосц дзесята на табели з 20 бодами, а у последнїм колє пред своїма навиячами у Крушчичу приґосцує ОФК Шикару з Сомбора.

Ђ.Боянич