Спортски резултати минулого викенду

У дерби 24. кола першенства у Сербскей лиги, ґрупа Войводина, футболери Гайдука нє змогли пред своїма глядачами победзиц Братство з Пригревици. Стреча закончена без голох. Куляни мали пар шанси, Давидов вицерел до места, дзе ше споює греда и стуб, Крстанович на початку другого полувремени мало зминул циль, а записан лєм єден бод, та так спомалєни крок за ведучим Кабелом. Гайдук 1912 є други у таблици з 50 бодами, а у наступним колє прийма екипу Цемента з Беочина.

Десец минутох дзелєло футболерох Црвенки од победи у Младенове, у сусрете проти домашней Будучносци, котри ше играл у рамикох 21. кола першенства у Войводянскей лиги. Наприклад, голами Милана Суботича и Шакича Црвенка водзела 2:0, та у пошлїднїх десец минутох достала два голи и здобула лєм єден бод. Црвенка седма на табели з 27 здобутих бодох, а у насцедуюцим колу витує Тису з Адоряна.

Од штирох представнїкох з кулскей општини, котри ше такмича у Сомборскей околичней лиги, у 21. колє змаганя троє здобули победи. Русин у Руским Крстуре победзел Славию з Пивнїц з 2:0. Гостино опиранє домашнї зломели у остатнїх шицнац минутох, кед Стефан Кочиш з двома голами осиґуровал победу. Кула на Ґедеру победзела ЖАК з Сомбора з 2:1, и гоч гости першу половину ришели у свою корист. У другей части Яньїч соло-акцию виривнює, а у надополнєню часу, по корнеру, Митрич забил победни гол за Кулу. Полет у Сивцу победзел ОФК Оджаке з 3:1. Стрелци за Полет були Зеяк, Ромич и Боснич. Наш четверти представнїк Липар мушел ше задовольнїц бодом. Пред своїма фанушами Липарчани з Гергевцом з Ґайдобри грали без голох. По тім колу Русин є штиверти на таблици з 37 бодами, Кула є єденадзета з 27, Липар шторнаеста з 21, а Полет пятнаести з 15 бодами. У наступним колє, котре на програму у стреду, Русин иде на гостованє Борцу до Обровца, Кула гостує у Гергевца у Ґайдобри, Липар иде на мегдан екипи Будучносц у Парагох, а сивацки Полет гостує у ЖАК-а у Сомборе.

У 15. коле чемпіонату у Сомборскей медзиопштинскей лиги перши класу футболисти Младосци з Крущица на гостованю у Бачким Моноштору препали од Дунава з 2:0. Младосц тераз десета на табели з 12 здобутих бодох, а у приходзим коле прилапя дружтво Задругара з Србского Милетича.

Футбалерки Полета зо Сивца у 12. колу чемпионату у Першей лиги Сербиї на гостованю у Лесковцу програли екипи Лавице Дубочица зо 6:0. Футбалерки Полета су седме на табели зо 12 бодами, а у наступним колу у Сивцу дочекаю екипу Раднички 2012 зо Ниша.

Гандбалери Сивца продовжую победоносни похед до Супер Б лиги. У 17. колу прволигового првенства Сивац 69 пред своїма фанушиками победел дружтво Младосц ТСК з Бачкого Ярка з 32:25, полчас 19:12. Гостї ше држали до 23. минуту, кед резултат бул 13:10 за дружтво з Сивца, котре потим серию 4:0 одходзи на плюс седем и з тим розликом и законує сретанє. Найефективнєйши у дружтве з Сивца бул Витомир Калич з 8 голами. Сивац 69 перши на табели з 34 здобутима бодами, а у наступацу колу идзе на гостї до Радничкого у Шид.

Наше други першолигаше, алє у женскей конкуренциї, дружство Лаки у Црвенки програло Темерину з 28:19. Сусрет бул одлучени уже по першой половини, котру гандбалистки Темерина виришели у свой хосен з 16:8. Найефективнїша у дружству Лаки була Драгана Димитрич з 6 постигнутих голох. Млади црвенчански гандбалистки су тераз десете на таблици з 8 бодами, а у наступним колу идза на гостйованє до Раванґраду у Сомбору.

Кошаркарє Гайдука у сусрете 25. кола першенства у Першей српскей лиги на гостованю у Инђиї препущели Железничару з 98:80. Домашнї здобули велику предносц у першом полочасе, котре ришели у свойо хасц з 55:43. Кошаркарє Гайдука су осми на табели з скором од 12 победох и 13 поразох, а у пошлїднїм колу першенства пред своїма виячами витую екипу Футог Тупаняц з Футога.            

Ђ.Боянич