Спортови резултати

Минули викенд клуби з нашей општини одграли свої змаганя. Кед идзе о футбол, у Међуопштинскей лиги Сомбор, 2. розряд, тим КФК з Кули бул вольни. Дружина КФК тей час на седмей позициї з 21 бодом. У наступуюцим колу дружина КФК идзе до Колута, дзе будзе грац проти Єдинства. У вишшим ранґу, наши представнїки були наполовину успишни. Црвенка на свойом терену победзела дружину Радничкого з Раткова з 5:1 , а Кула програла на свойом терену од Омладинца з Буковца з 2:3. Црвенка тей час друга з 36 бодами, а Кула штварта з 23 бодами. У наступуюцим колу дружина Кули идзе до Ридзицe, а дружина Црвенки прийма Дунав з Бачкого Моноштора. У општинским дербию Подручней лиги Хайдук Юниор на свойом терену победзел Младосц з Крушчица з 5:0, Липар у Сомбору победзел ОФК Шикару з 3:2, а Полет з Сивца и Русин претрпели порази. Полет дома програл од Младосци з Бачкого Петровца з 4:1, а Русин у Свилоєву програл од Тереквеша з 5:0. Хайдук Юниор тей час штверти з 40 бодами, Русин шести з 34 бодами, Младосц з Крушчица на 12. месце з 29 бодами, Липар 14. з 25 бодами, а Полет на заднїм месце з 16 бодами. У Подручней лиги у наступуюцим колу на програму два општински дербиї, перше у Липару, дзе ше стрета дружина домацинох и Младосц з Крушчица, а друге у Руским Крстуре, дзе ше стрета домашнї Русин и Полет. Пети представнїк нашої општини у тим ранґу, Хайдук Юниор, идзе на гостйованє до дружини Борца з Бачкого Грачаца.

Футсал екипа Гайдука була вольна у тим колу, а у наступним колу идзе гостом к екипи з Бечея. Футсалери Гайдука тераз су пети на табели з 14 бодами.

Кед идзе о рукомет, Црвенка на свойом терену одграла нєрешено з Герцеґовину з Сечня 27:27, док Сивац на гостйованю у Новим Бечею програл од дружини Єдинства з резултатом 31:25. Црвенка на табели тей час друга з 25 бодами, а Сивац претпослєднї з девец бодами. У наступуюцим колу дружина Црвенки идзе на гостйованє до Банатского Карловца, а дружина Сивца прийме на свойом терену Врбас.