Спортови резултати

Ручкометари „Сивца“ у змаганю 18. кола першенства у Перша лиги на гостованю у Кикинди програли ведущей „Кикинди“ з 40:22, по полочашу 19:10. Сивчани на тото гостованє одошли ослабени, без двох голманох Глушчевичa и Радовича, без стуба одбрани Йокича и Манојловича, без крилах Фуртули и Предоєвича, штреднїх бекох Чуїча, Якшича и Лабуса, а окрем перекончивого поразу нїч инше ани нє мож було очековац. Найефективнєйши у екипи Сивца бул Беслаћ з 9 голами. Наш друголигаш „Црвенка“ требало у 18. колу гостовац дружтву „Младости“ у Вршцу, алє утакмица одложена. Црвенчани су моментално други на таблици з 24 бодами и утакмицу менєй, а „Сивац 69“ є шицнасти з 9 бодами. У насцедуюцим колу Црвенка дочека „Херцеговину“ з Сечня, а „Сивац 69“ идзе гостовац „Єдинству“ до Нового Бечея.

Гандбалерки екипи „Лаки“ зоз Црвенки дальше успишно на яр пролеће. У 18. колє прволїгового першенства млади Црвенчанки пред своїма навиячами побежели екипу „Срема“ зоз Сремскей Митровици зо 34:25, полчас 17:14. Найефективнїша у екипи „Лаки“ була Сандра Ловре з 10 голами. Екипа „Лаки“ пета на табели з 22 бодом, а у насцедуюцим колу иде на гостованє „Халас Йожефу“ до Ади.

ФУТБАЛ: У ДЕРБИЮ БЕЗ ПЕРЕМОЖЦА

Општински дерби 23. кола першенства у Сомборскей подручней лиги, одграни вчора у Липару, закончени без победнїка. „Липар“ и „Полет“ з Сивца грали без розходного резултата 2:2. Голї за „Липар“ дали Жарич и Воркапич з пеналу, а за „Полет“ Вукашинович и Илић. З нєрозходним резултатом нєзадовольни и єдни и други, та их чека завзата борба за остануце у лиги. „Гайдук јуниор“ на гостованю у Бачком Брестовцу проиграл од „БСК“-а з 4:3, и прето же Куляни перши полчас вирешели до свойого хасну з 2:1 голами Даноєвича. Але у другей часци гра Кулянох ше розпала, примели три голи за седем минут, та Фуртула своїм голом зменшал пораз. „Младосц“ у Крушчичу победела „ОФК Шикару“ з 4:2. Ґоли за „Младосц“ дали Йованович Зоран Гойкович – председатель совита Кирти и Грдинич. Наш пети представнїк „Русин“ у Руском Крстуре з дружтвом „Стари град“ з Бачкей Паланки грал неришено 2:2. Ґоли за „Русин“ дали Ђукановић и Кончар. По тим колу „Гайдук юниор“ є четверти на табели з 37 бодами, „Русин“ пети з 34, „Младосц“ є девети з 29, „Липар“ чтирнасти з 22, а „Полєт“ послєднї шеснасти з 16 бодами. У насцедуюцим колу нас чека нови општински дерби: у Кули стрецу ше „Гайдук юниор“ и „Младосц“ з Крушчича, „Полєт“ у Сивцу вита „Младосц“ з Бачкого Петровца, „Липар“ идзе на гостованє к „Шикари“ до Сомбора, а „Русин“ гостує у „Тереквеша“ у Свилоєве.

Шицнадцате коло першенства у Сомборскей медзиопштинскей лиги перши клас останє запамцено по поразох дружтвох з кулскей општини. Розчаровали футболисти „Црвенки“, котри на гостованю у найгоршей „Граничари“ у Ридзици були поражени з 3:1. „Кула“ у Деронях преграла од „Омладинца“ з 2:1. „Црвенка“ и далєй друга на таблици з 33, а „Кула“ штварта з 23 бодами. У насцедуюцим колу „Црвенка“ дочека дружтво „Радничкого“ з Раткова, а „Кула“ на Гедеру будзе гостиц „Омладинца“ з Буковца.

Кулски футболски клуб „КФК“ у 16. коле првенства у Сомборскей медзиопштинскей лиги други розряд пред своїма навиячами програл „Єдинству“ з Рибарева з 1:0. „КФК“ пети на табели з 21 бодом, а у насамшим коле одпочива.

Футбалерки „Полета“ у Сивцу, у рамикох 9. кола прволигового першенства з дружством „Лавице Дубочица“ з Лесковца грали нєрєшено 0:0. Сивчанки су шеста на табели з 12 бодами, а у наслядуюцим коле идза до ведучого „Рада“ на Бањицу.

КОШАРКА

Баскетболисти „Црвенки“ пред своїма навиячами програли „Словену“ з Руми з 87:81. Баскетболисти „Гайдука“ закончили сезону на петим месце на табели з 14 виграшами и 12 поражками, док „Црвенка“ последня з єдним виграшом и 25 поражками, та од насамшей сезони буду змаганя у Другей сербскей лиги.

Ђ.Боянич