Спортови резултати

Футбалерки Полета записали историйну победу. У першім колї првенства у Першей лиги Сивчанки на свойом терену победзели дружину Колибри з Куршумлиї з 8:4. Змаганє було ришене хиж у першій половини, котру футбалерки Полета ришели у свою корист з 5:0, так же у другей часци з рутиновану гру привели змаганє до конца и записали першу победу у прволигашским змаганю. З осем красних голох треба видвоїц други гол Тање Безбрадици, котра ударцом з коло 25 метри перемогла противнїцкого голмана. У другим колї првенства футбалерки Полета идзе до гостох дружини Тријумф у Крагуєвац.

Наопак од футбалеркох, футбалєри Полета розчаровали, бо вчаура пред своїма навиячами у Сивцу, у 3. колє првенства у Воєводянскей лиги ґрупа Бачка, програли Таванкуцу зоз 3:1, и так забелєжели треци по редзе пораз. Хоц повели зоз голом Радмановича, уж у 10. минути футбалєри Полета зо склонєнима hlавами опущели терен. Полет є у долней часци табели, без здобутого боду, а у наступуюцим 4. колє првенства иду на гостованє ЖАК-у до Сомбора.

У дерби третєго кола Сомборскей районовой лиги футбалєри Русина у Руским Крстуре победзели Младосц з Крушчича зоз 3:2. Кула на Гедеру здобула першу победу, победзевши екипу Омладинца з Деронєх зоз 1:0, а Липар уписал другу поразу, програвши Борцу у Бачким Грачацу зоз 2:1. По тим колє Младосц є треца на табели зоз 6, Русин десети зоз 4, Липар єднацец, а Кула тринанца зоз по 3 бода. У наступуюцим колє Младосц у Крушчичу дочека Омладинца з Буковца, Липар домацин Радничкому з Раткова, Кула иде на гостованє Полету до Каравукова, а Русин гост Станишича.

Почало ше першенство и у Сомборскей медзиопштинскей лиги. Давношнї прволигаш Црвенка на гостйованю у Бачким Моноштору виграла Дунав зо 4:1. Гайдук юниор у Кули здолал екипу Єдинства зо Рибарева зо 3:1, медзи тим третей наш представитель, Кулски футбалски клуб, на гостйованю у Растини програл од Растини зо 5:0. У другим колу першенства на програму городски дерби, бо ше у Кули стреча Кулски футбалски клуб и Гайдук юниор, а Црвенка привита екипу Динама зо Сонти.

Ђ. Боянич