Спортови резултати

У дуже драматичним матчу рукометари зивца у 8. колу першолїгового першенства перемогли дружтво Єдинство з Нового Бечея з 30:29, гоч гости першу часц стречи ришели у свою корист з 18:16. Окреме напружаюци бул остатнї минут. Найперей Беслач привел Зивчанох до водства з 29:28, а по швидким центру капитен гостий виривнал. Фуртула дзесяц секунди пред конец постигол гол за Сивац 69. Гости знова розпочинаю швидки центер, грач Сивца Чуйич руша виконавца швидкого центру, а подля нових правил наслїдує виключенє Чуйича и седмерец за гости. На щесце Зивчанох виконавець седмерца Антович б'є у пречку, и так рукометари Сивца приходза до победства. Найефективнїши у дружтве Сивца бул Калич з 11 голами, алє треба спомнуц и одлични одбрани голмана Милоша Радовича, котри ше врацел до рукомета. Наш други представител, рукометари Црвенки на гостованю у Яши Томичу програли од Херцеговини з Сечня з 28:25, полчас 16:14 за домашних. Млади Црвенчани ше борели як лєм могли, алє стречели досвичене дружтво домашних, и при нєєднаким судийским критерии поразка була нєодклонїва. Найефективнїши у дружтве Црвенки бул Радонич з 8 голами. По тим колу Црвенка друга на таблїци з 12, а Сивац 69 осми з 7 здобутими бодами. У насамнїм колу Цревенка домаци Банатски Карловац, а Сивац 69 иде гостём Врбасу.
Футбалери Гайдук юниора су у 14. колє пренства у Сомборскей подручней лиги пред своїма навиячами победзели дружину Герцеговца з Гайдобре з 3:0. Два голи за Гайдук забил Давидович, а єден гол забил Вуймилович. Младосц у Крушчићу з Славийов з Пивнїци грала нєрешено 3:3, док нашо троє останїх клуби зозначели порази. Липар на своїм терену проиграл од Крил Країни з Бачкей Паланки з 3:0, Полет у Сивцу проиграл од БСК-а з Бачкого Брестовца з 2:0, а Русин з Русского Крстура на гостованю у Бачком Петровцу проиграл од ведучей Младосци з 3:1. Гайдук юниор є треци на табели з 27 бодами, Русин шести з 22, Младосц девета з 19, Липар єденадцати з 17, а Полет петнацати з 8 бодами. У остатнїм коле єсенного числа пренства у општинским дерби у Руским Крстуре стрекну ше Русин и Гайдук юниор, Липар иде гостём до Славиї у Пивнїци, сивацки Полет є гостём Борца у Бачком Грачцу у дерби на дну табели, а Младосц з Крушчића иде гостём до ЖАК-а у Сомбор.
У 6. колу шампионату у Другей футсал лиги Клуб малог футболу Гайдук записал першу победу. Куляни пред своїма фанушиками победали дружину АПА футсал з Апатина з 6:0 и з пет здобутима бодами тераз су шести на шампионатней таблици. У наступним колу Клуб малог футболу Гайдук ма одмор.
У 7. колу првенства у Првей сербскей лиги обидва наша представнїки записали порази. Кошаркаре Гайдука пред своїма фанушами у Кули програли од дружтву Дунав 2014 з Апатину з 78:63. Апатинци здобули предносц од пейцнадц бодох уж у першым полочасу и з одвичательну гру ше їм подарело здержати до конца. Кошаркаре Гайдука нє мали ришеня на гру искусного интернационалисту Предрага Шупута, котри єден час ношел и дрес Партизана, Цедевити и других клубох. Кошаркаре Червенки на гостованю у Новим Бечею програли од Єдинства з 84:77. По тим колу кошаркаре Гайдука су осми на табели з 3 виграшами и 4 поразами, док Червенка послїдня з єдним виграшом и 6 поразами. У наступним колу кошаркаре Гайдука идзе на гостованє Академику до Србобрану, а Червенка пред своїма фанушами будзе витавиц Тополу з Бачкей Тополи.
Кошаркаре Сивца у 7. колу шампионату у Другей сербскей лиги, як домаци у Кули победали екипу Караджорджева з Банатского Караджорджева з 92:84. Сивчани преломели стрешенє у трецей четвертини, котру здобули з 32:19. По тим колу кошаркаре Сивца су девети на табли з скором двох победох и шейсцох поразкох, а у насамнїм колу идзу на гостованє до екипи Младосц Ветерник.
У остатнїм колу яшеней часци першенства у Першей войводинскей лиги кегляри Гайдука на гостованю у Дебелячи програли од Спартака з 6:2 у бодох, односно 3323:3133 у звалєних кеглох. Найвреднїши резултат у дружтве Гайдука досцигнул Бранко Вуксан, котри звалєл 555 кегли. Кегляри Гайдука закончили яшеню часц першенства на пейтим месце на таблїци з 15 бодами. Уже насамнї викенд продовжує ше першенство, а кегляри Гайдука домацне дружтво Словена з Руми.